रिअ‍ॅलिटी शो खरंच करिअर घडवतात का? अवधुत गुप्तेने मांडलं स्पष्ट मत; म्हणाला, “शोनंतर संबंधित स्पर्धकाला…”

अनेक गायक, कलाकार यापूर्वी रिअ‍ॅलिटी शोमुळे नावारुपाला आले. परंतु, अलीकडच्या काळात जे रिअ‍ॅलिटी शो झाले त्यातील स्पर्धक पुढे विस्मरणात जातात याविषयी सांगताना अवधुत म्हणाला, “यामध्ये दोन बाजू आहेत…मी ओव्हरऑल रिअ‍ॅलिटी शोबद्दल माझं मत सांगतो. एखाद्या गायकाला जेव्हा एखादा रिअ‍ॅलिटी शो मिळतो आणि तो गायक संबंधित शो जिंकतो. तेव्हा त्या स्पर्धकासाठी तो एक शॉर्टकट असतो. उदाहरणार्थ ५ किलोमीटरचा रस्ता स्पर्धकासाठी १ किलोमीटरपर्यंत येतो. पण, आपण एखाद्याच्या नशिबात बदल करू शकत नाही. ज्याच्या सौभाग्यात जे असतं ते मिळतं.”

आणखी वाचा

विश्लेषण : चिठ्ठीतील ‘नशीबवानां’कडे लक्ष; भाजपची उमेदवार निवडीची पद्धत राज्यात किती फायदेशीर? ती वादग्रस्त का ठरतेय?

Bigg Boss Marathi 5: सर्व एलिमिनेटेड सदस्यांची घरात…

“तुझ्या बहिणीशी माझे प्रेमसंबंध, आम्ही शारीरिक…” बोलणे ऐकताच भावाने केला मित्राचा खून

“कोणताही दिग्दर्शक माझा श्रीमंत व्यक्ती म्हणून भूमिकेसाठी विचार करत नाही..”; मनोज बाजपेयींना असे का वाटते? तज्ज्ञांनी केला खुलासा

लोकमानस: एकांगी कल्पनाविलास

युद्धभूमी हे मानवतेचे यश नव्हे! आमसभेतील भाषणात पंतप्रधान मोदी यांचा पुन्हा युद्धाला स्पष्ट विरोध

Tirupati Laddu Row : “…तर दूरगामी परिणाम होतील”, लाडूप्रकरणावरून जगनमोहन रेड्डींनी पंतप्रधानांना पत्र लिहित व्यक्त केली भीती

Nitin Gadkari : “राजाने विरोधी विचार सहन केले पाहिजेत हीच लोकशाहीची परीक्षा”, नितीन गडकरींचा रोख कुणाकडे?

हेही वाचा : ‘रंग माझा वेगळा’ फेम अभिनेत्रीचा पार पडला साखरपुडा, शेअर केले खास फोटो

अवधुत पुढे म्हणाला, “याची आणखी एक बाजू पाहायला गेलं तर, सुनिधी चौहान, अरिजित सिंह, स्वप्नील बांदोडकर ते अवधुत गुप्तेपर्यंत ही माणसं जर रिअ‍ॅलिटी शोमध्ये गेली नसती, तर त्यांना यश मिळवता आलं असतं का? तर, शंभर टक्के आम्हाला यश मिळालं असतं. कदाचित कालावधी तुलनेने जास्त लागला असता. पण, यश जरुर मिळालं असतं.”

हेही वाचा : “तिसरं लग्न कधी करणार?”, कपिल शर्माच्या प्रश्नावर आमिर खानने काय दिलं उत्तर?

“‘सूर नवा ध्यास नवा’ या शोमध्ये जे-जे गायक आले त्यातले खूप पुढे गेले. काहींना नाही शक्य झालं. पण, या सगळ्यात त्या मंचाचा, एकविरा प्रोडक्शनचा, कलर्स मराठीचा पाच टक्के सहभाग आहे. रिअ‍ॅलिटी शोमुळे फक्त करिअरचा प्रवास तुलनेने सोपा होतो. पण, आम्ही त्यांचं करिअर घडवलंय हा क्लेम कोणीही करू शकत नाही. ज्याच्या सौभाग्यात जे आहे तेच मिळतं. याशिवाय मी अनेक स्पर्धकांना शोनंतर सुद्धा पाठिंबा दिला आहे. एक चांगला गायक आणि एक चांगला प्लेबॅक गायक या दोन्हीमध्ये खूप फरक आहे. आम्ही रिअ‍ॅलिटी शोमध्ये फक्त एक चांगला गायक शोधून काढतो. पण शोनंतर संबंधित स्पर्धकाला व्यावसायिकदृष्ट्या पुढे जाण्यासाठी बाहेरील जगात आणखी बऱ्याच गोष्टींची आवश्यकता आहे. कॉन्सर्ट, पैसे, सामाजिक भान, आलेले पैसे कुठे लावायचे, संघर्ष अशा सगळ्या गोष्टी यामध्ये येतात. अशाप्रकारे चांगला गायक होण्याबरोबरच या व्यावसायिक गोष्टी समजून घेणं देखील खूप गरजेचं आहे.” असं स्पष्ट मत अवधुत गुप्तेने मांडलं.