Video: “१८व्या वर्षी आली मुंबईत, जेवायला नव्हते पैसे अन् मग…”; अंकिता लोखंडेने सांगितला मुनव्वरला संघर्षाचा काळ

हेही वाचा – ‘जीव माझा गुंतला’मधील लाडका मल्हार पुन्हा येतोय प्रेक्षकांच्या भेटीस; अभिनेता सौरभ चौघुले दिसणार ‘या’ लोकप्रिय मालिकेत

अभिनेत्री अंकिता लोखंडेचा हा व्हिडीओ तिच्या इन्स्टाग्राम पेजवर शेअर करण्यात आला आहे. ज्यामध्ये ती मुनव्वरला सांगतेय की, “मला १७ पूर्ण झालं आणि मी १८व्या वर्षी मुंबईत आले. पण मी खूप हुशार होते. कोणी मला वेड्यात काढू नये म्हणून मी सतर्क असायचे. मी इतरांप्रमाणे नाही बोलायचे की, मी हे करेन, ते करेन. मला माहित होतं, मला काय करायचं आहे. मुनव्वर, माझ्यावर एकवेळ अशी होती की, माझ्याकडे खरोखरचं पैसे नसायचे. मला असं वाटतंच, मी कसं काय माझं पोट भरणार आणि कशी ऑडिशनला जाणार? अशी वेळही माझ्या आयुष्यात आली होती. कारण मी आई-वडिलांवर किती दिवस अवलंबून राहणार ना? त्यानंतर मला दिवसाला कामाचे २ हजार मिळायला लागले. त्यामधून माझा टीडीएस जात होता.”

हेही वाचा – Bigg Boss 17: इशाने ‘बिग बॉस ओटीटी २’ विजेता एल्विश यादवलाही दिलाय धोका?; व्हिडीओ शेअर करत म्हणाला…

हे ऐकून मुनव्वर म्हणाला, “तू तर खूपच आनंदी झाली असशील ना?” यावर अंकिता म्हणाली, “हो मग. ५० हजार माझ्या अकाऊंटला येणार आहेत, याच गोष्टीचा तू विचार कर ना. मी आयुष्यात ५० हजार कधीच पाहिले नव्हते.” त्यानंतर मुनव्वर म्हणतो, “मध्यवर्गीय कुटुंबातून आलेली मुलगी असेल आणि ती इंडस्ट्रीमध्ये येते. तर तिला घरच्यांच्या पाठिंबा खूप गरजेचा आहे.” यावर अंकिता म्हणाली, “माझ्या आई-वडिलांच्या मागे लोकं खूप काही बोलायची. पण माझ्या आई-वडिलांनी माझी साथ कधीच सोडली नाही आणि यामुळे मला ताकद मिळाली.”

हेही वाचा – सोनाली कुलकर्णीच्या आई-वडिलांचे मराठी सिनेसृष्टीत पदार्पण: झळकणार ‘या’ चित्रपटात

दरम्यान, अंकिता लोखंडे व विक्की जैनने ‘बिग बॉस’मध्ये जाण्यासाठीची जोरदार तयारी केली होती. शोमध्ये एक ड्रेस पुन्हा रिपीट होणार नाही, याचा प्लॅन करत त्यांनी २०० कपडे खरेदी केल्याचं म्हटलं जातं होतं.