Video: महत्त्वाच्या कार्यक्रमादरम्यान बिग बॉस फेम सोनाली पाटीलला उद्भवते ‘ही’ समस्या; नेटकरी म्हणाले, “नजर…”

हेही वाचा – Video: अखेर सईला मिळणार आईची माया? असा रंगणार ‘प्रेमाची गोष्ट’ मालिकेचा महाएपिसोड…

‘का? कृपया मला सांगा,’ असं लिहीत सोनालीने नुकताच एक व्हिडीओ शेअर केला आहे. या व्हिडीओतून ती चाहत्यांना सांगतेय, “बरं आज एक कार्यक्रम आहे. त्यासाठी तयार झाली आहे. तुम्हाला दिसत असेल मी छान मेकअप केलाय. पण कालपासून मला एक प्रश्न पडलाय. ही पुरळ का आली असेल? आपला जेव्हा खूप महत्त्वाच्या कार्यक्रम असतो. तेव्हा अशी पुरळ का येते? म्हणजे कशासाठी? बरं हे एवढं दिसतंय आणि दुखतंय ना. मुलींच हे दुःख मुलींनाच माहिती आहे. पण महत्त्वाच्या कार्यक्रमादरम्यान अशी पुरळ का येते? इतकं गरजेचं असतं का?”

हेही वाचा – अजूनही ‘जवान’ची क्रेझ; अभिनेता अजिंक्य राऊतचा शाहरुख खानच्या ‘चलेया’ गाण्यावर जबरदस्त डान्स, नेटकरी म्हणाले, “क्या बात है…”

सोनालीच्या या व्हिडीओवर चाहत्यांनी मजेशीर प्रतिक्रिया दिल्या आहेत. एका चाहत्यानं लिहीलं, “नजर लागली ना तर पुरळ उठतात. नक्कीच माझी किंवा चाहत्यापैकी कोणाची तरी नजर लागली असेल. मिरची ओवाळून काढून घेत जा.” तर दुसऱ्या चाहत्यानं लिहीलं आहे की, सोनाली जेव्हा तुला नजर लागते ना तेव्हा पुरळ चेहऱ्यावर येता. तसेच तिसऱ्या चाहत्यानं लिहीलं आहे की, तो प्रमुख पाहुणा आहे. त्यामुळे नेमकं त्याचं वेळेला तो येतो.

हेही वाचा – Video: प्रसाद ओक स्वप्नील जोशीला देत होता वाढदिवसाच्या खास शुभेच्छा, पण घडलं भलतंच, पाहा व्हिडीओ

दरम्यान, सोनालीनं ‘बिग बॉस मराठी’ पूर्वी ‘स्टार प्रवाह’ वाहिनीवर ‘वैजू नंबर वन’ या लोकप्रिय मालिकेत काम केलं होतं. त्यानंतर ती ‘जुळता जुळता जुळतंय की’, ‘देवमाणूस’ यांसारख्या मालिकामध्ये झळकली होती. एवढंच नाहीतर सोनालीनं हिंदी मालिकेतही काम केलं. ‘वागले की दुनिया’ या हिंदी मालिकेत ती दिसली होती.