Video: हनिमूनला गेलेल्या गोविंदाच्या भाचीचा ‘पुष्पा २’ चित्रपटातील ‘अंगारों’ गाण्यावर हटके डान्स, व्हिडीओ व्हायरल

आता आरतीच्या लग्नाला महिना पूर्ण झाला आहे. लग्नानंतर आरती नवऱ्याबरोबर पहिल्यांदा काश्मीरला हनिमूनला गेली होती. त्यानंतर आता आरती आणि दीपक पॅरिसला हनिमूनला गेले आहेत. दोघांचे पॅरिसमधली हनिमूनचे फोटो सोशल मीडियावर चांगलेच व्हायरल झाले आहेत. अशातच आरतीने ‘पुष्पा २: द रुल’ चित्रपटातील ‘अंगारों’ गाण्यावरील डान्स व्हिडीओ शेअर केला आहे; जो सध्या सोशल मीडियावर खूप व्हायरल झाला आहे.

हेही वाचा – मुनव्वर फारुकीने दुसऱ्या लग्नावर केलं शिक्कामोर्तब, पत्नी व मुलांसह केली पिझ्झा पार्टी, फोटो व्हायरल

काही दिवसांपूर्वी ‘पुष्पा २: द रुल’ चित्रपटातील प्रदर्शित झालेल्या ‘अंगारों’ या गाण्याने अक्षरशः सगळ्यांना वेड लावलं आहे. अल्लू अर्जुन व रश्मिका मंदाना यांची प्रमुख भूमिका असणारा ‘पुष्पा २: द रुल’ चित्रपट सहा भाषांमध्ये प्रदर्शित होणार आहे. त्यामुळे गाणी देखील सहा भाषांमध्ये प्रदर्शित करण्यात आली असून सगळ्या भाषांमध्ये ट्रेंड होतं आहेत. पण सध्या हिंदीतील ‘अंगारों’ गाण्याने धुमाकूळ घातला आहे. याच गाण्यावर आरती सिंहने हटके डान्स केला आहे.

“ट्रेंडिंग”, असं लिहित आरतीने हा डान्स व्हिडीओ शेअर केला आहे. या व्हिडीओत समुद्रातील बोटीवर आरती ‘अंगारों’ गाण्यावर डान्स करताना दिसत आहे. तिनं मूळ गाण्यातील अल्लू अर्जुन व रश्मिका मंदानाने केलेल्या हूकस्टेप केली आहे.

आरतीचा हा व्हिडीओ पाहून अनेकांनी तिला ट्रोल केलं आहे. “ज्याप्रमाणे तुझ्या मागच्या व्यक्तीने तुला दुर्लक्ष केलं त्याप्रमाणेच मीही दुर्लक्ष केलं”, “लग्नापासून ते आतापर्यंत ही डान्सचं करत आहे”, “हिला डान्स करण्याशिवाय दुसरं कामच नाही”, अशा अनेक खटकणाऱ्या प्रतिक्रिया नेटकऱ्यांनी दिल्या आहेत. पण काही नेटकऱ्यांनी आरतीची बाजू घेत तिचं कौतुक केलं आहे.

हेही वाचा – तू भेटशी नव्याने : शिवानी सोनारने नवी मालिका सुरू होण्यापूर्वी सुबोध भावेला दिली खास भेटवस्तू, म्हणाली, “सुरुवात गोड तर…”

दरम्यान, आरती सिंहच्या कामाबद्दल बोलायचं झालं तर, तिनं अनेक हिंदी मालिकांमध्ये काम केलं आहे. ‘मायका’, ‘गृहस्थी’, ‘उतरन’, ‘ससुराल सिमर का’, ‘उड़ान’ या मालिकांमध्ये ही ३९ वर्षांची अभिनेत्री झळकली होती. ‘बिग बॉस’च्या १३व्या पर्वामुळे आरती अधिक प्रसिद्ध झोतात आली आणि तिची लोकप्रियता आणखी वाढली.