‘लाफ्टर शेफ्स २’मध्ये दिसणारा एल्विश यादव सतत चर्चेत असतो. कंटेंट क्रिएटर व इन्फ्लुएन्सर झाल्यानंतर तो आता एक मोठा स्टार बनला आहे. तो अलीकडेच ‘रोडीज एक्सएक्स’मध्ये गँग लीडर म्हणून दिसला होता. याआधी तो त्याच्या पॉडकास्ट आणि क्रिकेट लीगपासून काही रिअ‍ॅलिटी शोचा भाग होता. आता ‘खतरों के खिलाडी’साठीही त्याचे नाव घेण्यात येत होते; पण, त्याने ते नाकारले आणि त्याचे कारण सांगितले.
‘पिंकव्हिला’शी झालेल्या संभाषणात एल्विश यादवने स्टंट-आधारित रिअ‍ॅलिटी शो ‘खतरों के खिलाडी १५’मध्ये भाग घेण्यास नकार दिला. त्याने सांगितले की, त्याला या शोची ऑफर मिळाली होती; पण त्याने ती नाकारली. त्याने सांगितले की, त्याला रिअ‍ॅलिटी शो करायला आवडते. कारण- त्यामध्ये कोणती स्क्रिप्ट नसते. यूट्यूबरने भविष्यात रिअ‍ॅलिटी शोचा भाग होण्याची इच्छा व्यक्त केली आहे.
एल्विश यादवचा ‘खतरों के खिलाडी १५’साठी नकार
जेव्हा एल्विशला ‘खतरों के खिलाडी’मध्ये सहभागी होणार का, असे विचारले असता, तो हसला आणि म्हणाला, “हा खूप मोठा शो आहे; पण मी तो करणार नाही.” याचे कारण विचारले असता, तो म्हणाला, “त्यात मगर आहे. मी तुम्हाला प्रत्येक वेळी सांगतो. मला मगरींची खूप भीती वाटते. मी निर्मात्यांना असेही सांगितले होते की, तुमच्या शोमध्ये मगरी ठेवा किंवा मला ठेवा.”
जेव्हा एल्विश यादवला विचारण्यात आले की, त्याला शोसाठी संपर्क साधण्यात आला आहे का, तेव्हा तो सहमत झाला आणि म्हणाला, “हो, त्यांनी मला विचारले. माझी आई मगरीबरोबर राहण्यास नकार देते.” एल्विश यादवने सांगितले की, त्याला सांगण्यात आले होते की, संपूर्ण शूटिंगदरम्यान मगरी नसतील; परंतु ‘बिग बॉस ओटीटी २’ विजेत्याला मगरी आवडत नाहीत.”
रोडीजमध्ये पुन्हा एकदा गँग लीडर व्हायचे आहे का, असे विचारले असता, तो उत्साहाने म्हणाला, “अर्थात, हा एक उत्तम शो आहे. एवढा मोठा शो कोण नाकारेल? फक्त एक किंवा दोन अटींसह.” एल्विशच्या बोलण्यावरून हे स्पष्ट होते की, तो रिअ‍ॅलिटी शोमध्ये आपली ओळख निर्माण करू इच्छितो; परंतु स्टंट-आधारित शोमध्ये त्याला कमी रस आहे.
