अभिनेत्री गौतमी देशपांडे आणि स्वानंद तेंडुलकर ही जोडी २५ डिसेंबर २०२३ रोजी लग्नबंधनात अडकली. गौतमी आणि स्वानंदचा शाही विवाह सोहळा पुण्यात थाटामाटात पार पडला. गौतमीच्या मेंदी, संगीत, हळद आणि लग्नाला मराठी कलाविश्वातील अनेक कलाकारांनी हजेरी लावली होती. गौतमीने तिच्या अधिकृत इन्स्टाग्राम अकाउंटवर त्यांच्या हनिमूनचा व्हिडीओ शेअर केला आहे. हा व्हिडीओ कोकणातला आहे. सूर्यास्त, शांतता व एकांतात दोघंही समुद्रकिनारी आपल्या आयुष्यातील महत्त्वपूर्ण क्षण व्यतीत करताना दिसतायत. या व्हिडीओला कॅप्शन देत गौतमीनं लिहिलं, "त्याला बालीला जायचं होतं. त्याऐवजी मी त्याला कोकणात घेऊन आले." या व्हिडीओत दोघंही गप्पा मारताना दिसतायत. या व्हिडीओला गौतमीनं 'शाम भी कोई' हे गाणं जोडलं आहे. "तुम्ही यापैकी कोणती जागा निवडाल?" असं कॅप्शन या व्हिडीओला देत गौतमीनं चाहत्यांना प्रश्न विचारला आहे. 'बाली की कोकण', असा पोल तिने या व्हिडीओसोबत शेअर केला आहे. गौतमी आणि स्वानंदच्या या व्हिडीओवर चाहत्यांनी अनेक कमेंट्स केल्या आहेत. "ताईंच्या अशाच इच्छा पूर्ण होऊ दे.. ती खूश तर मी खूश," अशी गौतमीची चाहती म्हणली. "मी बालीला जाऊन आलो आहे आणि तुम्हाला सांगतो कोकण बालीपेक्षा काही कमी नाही," असं एकानं कमेंट करीत लिहिलंय. हेही वाचा. प्रियांका चोप्राने पती व मुलीसह भारतात साजरी केली धुळवड, मन्नारा चोप्रा अन् कुटुंबियांचे व्हिडीओ व्हायरल दरम्यान, गौतमी आणि स्वानंदच्या कामाबद्दल सांगायचं झालं, तर झी मराठी वाहिनीवरील 'माझा होशील ना' या मालिकेमुळे गौतमी प्रसिद्ध झाली. तर भाडिपा या मराठी सीरिज व कॉन्टेन्ट बनविणाऱ्या लोकप्रिय यूट्यूब चॅनेलचा स्वानंद व्हाईस प्रेसिडेंट आहे. भाडिपाच्या वेब सीरिज आणि स्टॅण्डअप कॉमेडी कार्यक्रमात स्वानंदचा सहभाग असतो. गौतमी आणि स्वानंद अनेकदा कॉमेडी व्हिडीओज शेअर करताना दिसतात.
