अभिनयक्षेत्रात येण्यापूर्वी गौतमी देशपांडे करायची नोकरी! दाखवली जुन्या ऑफिसची झलक; म्हणाली, “पाच वर्षांपूर्वी…”

गौतमी देशपांडे अलीकडेच तिच्या जुन्या ऑफिसमधील सहकाऱ्यांना भेटायला गेली होती. अभिनेत्रीने तिच्या जुन्या ऑफिसमधील काही फोटो इन्स्टाग्राम स्टोरीवर शेअर केले आहे. अभियांत्रिकी क्षेत्रात पदवीपर्यंत शिक्षण पूर्ण केल्याने गौतमी जवळपास ४ वर्षे एका कॉर्पोरेट कंपनीत नोकरीला होती.

हेही वाचा : Video : “मराठी चित्रपटसृष्टीत एकजूट नाही!” पुष्कर जोगची खंत; ‘मुसाफिरा’च्या टीमशी दिलखुलास गप्पा

गौतमीने तिच्या इन्स्टाग्राम स्टोरीवर जुनं ऑफिस, ऑफिसमधील डेस्क, तिची संपूर्ण टीम याची खास झलक दाखवली आहे. यातील एका फोटोमध्ये अभिनेत्रीने तिचा डेस्क दाखवला आहे.

या फोटोला तिने “पाच वर्षांपूर्वी हा माझा डेस्क होता” असं कॅप्शन दिलं आहे. सगळ्या फोटोंमध्ये अभिनेत्री तिच्या जुन्या ऑफिसच्या सहकाऱ्यांबरोबर एन्जॉय करत असल्याचं पाहायला मिळत आहे.

हेही वाचा : ‘महाराष्ट्राची हास्यजत्रा’ फेम अभिनेत्याने मुंबईत घेतलं हक्काचं पहिलं घर! म्हणाला, “लहानपणापासून आम्ही…”

दरम्यान, गौतमी देशपांडेने ‘सारे तुझ्याचसाठी’ या मालिकेतून छोट्या पडद्यावर पदार्पण केलं. तिच्या कामाबद्दल सांगायचं झालं, तर सध्या ती अभिनेता विराजस कुलकर्णीबरोबर ‘गालिब’ या नाटकात प्रमुख भूमिका साकारत आहे.