“हिंदी मालिकेमध्ये मराठी पात्र साकारताना…”, हेमांगी कवीची ‘ती’ पोस्ट चर्चेत

हेमांगी कवी ही इन्स्टाग्रामवर सतत सक्रीय असते. नुकतंच हेमांगीने तिच्या नव्या हिंदी मालिकेच्या भूमिकेचे काही फोटो पोस्ट केले आहेत. या फोटोत तिने सुंदर साडी परिधान केल्याचे पाहायला मिळत आहे.
आणखी वाचा : बिग बींबरोबर जाहिरातीत झळकल्यानंतर हेमांगी कवीची हिंदी मालिकेत वर्णी, प्रोमो आला समोर

हेमांगी कवीची पोस्ट

“आजपासून येतेय तुमच्या भेटीला! एक नवी भूमिका घेऊन! भवानी चिटणीस म्हणून! रोज रात्री १० वा; फक्त @zeetv आणि @zee5 वर. ‘कैसै मुझे तुम मिल गए’ मालिकेमध्ये!

हिंदी मालिकेमध्ये मराठी पार्श्वभूमी असलेलं पात्र साकारताना अतिशय आनंद होत आहे. मालिकेच्या निर्मात्या मुक्ता धोंड मराठीच असल्यामुळे आपसुक एक आपलेपणा आणि तितकाच मोकळेपणा अनूभवायला मिळतोय! हाच आनंद तुमच्यापर्यंत पोचवण्याचं आणि तुमचं १००% मनोरंजन करता यावं हे बळ आम्हांला मिळो हीच ईच्छा! आतापर्यंत जसं प्रेम, आशीर्वाद देत आलात यापुढेही देत रहा ही विनंती!”, असे कॅप्शन हेमांगी कवीने दिले आहे.

दरम्यान हेमांगी कवी ही ‘कैसे मुझे तुम मिल गए’ या मालिकेत झळकणार आहे. ही मालिका येत्या २७ नोव्हेंबरपासून झी टीव्ही वाहिनीवर रात्री १० वाजता प्रक्षेपित होणार आहे. यात ती भवानी चिटणीस हे पात्र साकारत आहे.

आणखी वाचा : “…आणि हे मराठी कलाकार”, टीका करणाऱ्याला हेमांगी कवीचं रोखठोक उत्तर; म्हणाली, “किती नकारात्मक…”

हेमांगी कवीने याआधी अनेक मराठी आणि हिंदी मालिकेत काम केले आहे. हेमांगी ‘अवघाचि संसार’, ‘मन धागा धागा जोडते नवा’, ‘वादळवाट’, ‘लेक माझी दुर्गा’, ‘मिसेस मुख्यमंत्री’ यासारख्या अनेक मराठी मालिकांमध्ये झळकली. त्याबरोबरच ती अभिनेत्री सुश्मिता सेनच्या ताली वेबसीरिजमध्ये महत्त्वपूर्ण भूमिकेत दिसली.