“देवेंद्र फडणवीसांना डोकेदुखीची गोळी तर मोदींना…”, अमोल कोल्हेंचे वक्तव्य चर्चेत; म्हणाले “२ कोटी…”

गेल्या काही दिवसांपासून राज्यातील राजकारणात अनेक उलथापालथ होताना दिसत आहेत. राष्ट्रवादी काँग्रेस पक्षात उभी फूट पडून एक गट सरकारमध्ये सहभागी झाला. अजित पवारांच्या नेतृत्वाखाली या गटातील एकूण ९ आमदारांनी पहिल्याच दिवशी मंत्रीपदाची शपथ घेतली. यावेळी खुद्द अजित पवारांना उपमुख्यमंत्रीपद मिळालं. यानंतर राष्ट्रवादी काँग्रेस पक्षाच्या प्रचारप्रमुखपदी खासदार अमोल कोल्हे यांची नियुक्ती करण्यात आली आहे. आता नुकतंच अवधूत गुप्तेंच्या प्रश्नांना अमोल कोल्हेंनी सविस्तर उत्तर दिली आहेत.
आणखी वाचा : “‘बाईपण भारी देवा’मध्ये माझ्याबरोबर झळकलेली ती मुलगी…”, अखेर सोहम बांदेकरने दिले स्पष्टीकरण; म्हणाला, “आई माझ्यावर…”

या कार्यक्रमामध्ये सूत्रसंचालक अवधूत गुप्ते याने अमोल कोल्हेंना काही प्रश्न विचारले. त्यावेळी त्यांना एका गोळीचा फोटो दाखवत ही डोकेदुखी गोळी आहे असे सांगितले. त्यावर अवधूतने ही गोळी कोणाला द्याल?, असा प्रश्न अमोल कोल्हेंना विचारला. त्यावर त्यांनी एका क्षणात देवेंद्र फडणवीस असे उत्तर दिले.

आणखी वाचा : “केसांचा लाल रंग, A अक्षराचे मंगळसूत्र अन्…”, ‘बाईपण भारी देवा’मधील सुचित्रा बांदेकरांच्या लूकची रंगली चर्चा, डिझाईनर म्हणाली…

यानंतर अवधूतने “स्मरणशक्ती वाढवण्याची गोळी कोणाला द्याल?”, अशी विचारणा केली. त्यावर अवधूत गुप्तेने पंतप्रधान नरेंद्र मोदी यांना देईन असे सांगितले. “कारण दरवर्षी २ कोटी रोजगार येणार होते. शेतकऱ्यांचं उत्पन्न दुप्पटीने वाढणार होतं. त्यामुळे ही गोळी मी त्यांना पाठवेन”, असेही ते म्हणाले.

अमोल कोल्हे यांनी दिलेलं या उत्तराची सध्या चांगलीच चर्चा रंगली आहे. तसेच आगामी भागाबद्दल प्रेक्षकांच्या मनात खूप उत्सुकता निर्माण झाली आहे. येत्या रविवारी हा भाग प्रेक्षकांना पाहता येणार आहे.