Video: “वेगळं काय तरी करा…”; जुईली जोगळेकरच्या ‘त्या’ परफॉर्मन्सवर नेटकऱ्याची खोचक प्रतिक्रिया, गायिका म्हणाली…

जुईली जोगळेकर सोशल मीडियावर खूप सक्रिय असते. नेहमी तिच्या परफॉर्मन्सचे, पती रोहित राऊतबरोबरचे व्हिडीओ, फोटो शेअर करत असते. नुकताच तिने खेड – लोटेमधील कार्यक्रमातला एक व्हिडीओ शेअर केला आहे. “ऑन डिमांड”, असं कॅप्शन लिहित तिने हा व्हिडीओ शेअर केला आहे.

या व्हिडीओमध्ये जुईली जोगळेकरचा जबरदस्त परफॉर्मन्स पाहायला मिळत आहे. यामध्ये ती सुनिधी चौहानने गायलेलं ‘कांदेपोहे’ गाणं गाताना दिसत आहे. याच व्हिडीओवर एका नेटकऱ्याने खोचक प्रतिक्रिया दिली आहे.

View this post on Instagram

A post shared by Juilee Joglekar (@juilee.sangeet)

जुईलीच्या या व्हिडीओवर तो नेटकरी प्रतिक्रिया देत म्हणाला, “किती दिवस भिजलेल्या क्षणावर दिवस काढणार? वेगळं काय तरी करा.” यावर जुईलीने त्या नेटकऱ्याला चांगलंच सुनावलं. त्या नेटकऱ्याला टॅग करत जुईली म्हणाली, “वेगळं काहीतरी म्हणून माझ्या प्रोफाइलवर जाऊन वेगळे व्हिडीओ ही बघा की म्हणजे कळेल आम्ही वेगळं काय करतो. बहुदा ऑन डिमांड हे इंग्लिशमध्ये लिहिलंय ते कळलं नसेल. On Demand (ऑन डिमांड) म्हणजे प्रेक्षकांच्या आग्रहास्तव.”

दरम्यान, याआधी जुईली जोगळेकरला अनेक नेटकऱ्यांनी ट्रोल केलं होती. त्यावेळेस जुईली सडेतोड उत्तर देताना पाहायला मिळाली होती. जुईलीच्या वैयक्तिक आयुष्याबद्दल बोलायचं झालं तर, २०२२मध्ये तिने लोकप्रिय गायक रोहित राऊतशी साखरपुडा आणि लग्न केलं. २३ जानेवारी २०२२ला दोघांचा मोठ्या थाटामाटात लग्नसोहळ पार पडला होता. पुण्यातील ढेपे वाड्यात जुईली व रोहितने लग्नगाठ बांधली होती. दोघांच्या लग्नाचे फोटो, व्हिडीओ व्हायरल झाले होते. सध्या जुईली आणि रोहितच्या लग्नाला तिसरं वर्ष सुरू आहे.