दिवंगत बायकोच्या ब्रशने दात घासतो अभिनेता, तिचे न धुतलेले कपडे जवळ घेऊन झोपतो; भावुक होत म्हणाला, “मी दररोज…”

परागच्या मुलाखतीची एक छोटीशी क्लिप यूट्यूबवर व्हायरल होत आहे, ज्यामध्ये तो म्हणतो, “कल्पना करा, ती गेल्यानंतर दोन-तीन दिवसांपर्यंत तिचे अमेझॉन, फ्लिपकार्टवरील पार्सल येत होते.” त्याने ते पार्सल घेतले का असं विचारल्यावर पराग म्हणाला, “होय. मी तिच्या टूथब्रशने दात घासतो, मी तिच्या उशीवर झोपतो. माझ्याकडे तिचे न धुतलेले टी-शर्ट आणि शॉर्ट्स आहेत जे मी जपून ठेवले आहेत.”

पराग पुढे म्हणाला, “मी ते कपडे न धुता ठेवले आहेत. मी ते कधीच धुणार नाही, कारण त्यात तिचा सुगंध आहे. मी दररोज ते टी-शर्ट माझ्या हाताला गुंडाळून झोपतो. मी ते घालू शकत नाही कारण ते खूप लहान आहेत. मी तिचं ब्लँकेट घेऊन झोपतो.”

शेफालीच्या निधनाच्या दिवशी काय घडलं होतं?

पराग त्यागीने सांगितलं की ज्या दिवशी शेफालीचे निधन झाले, त्या दिवशी काहीतरी घडणार आहे असं त्याला जाणवत होतं. “मला वाटत होतं की काहीतरी घडणार आहे,” असं पराग म्हणाला. परागच्या मते, शेफालीने त्याला त्यांचा कुत्रा सिम्बाला फिरायला घेऊन जाण्यास सांगितलं होतं, कारण त्यांचा घरातील मदतनीस राम थकला होता. पराग सिम्बा घेऊन परतला तेव्हा कंपाउंडरने सांगितलं की शेफाली बेशुद्ध पडली आहे आणि तिला श्वास घेण्यास त्रास होत आहे. परागने तिला इलेक्ट्रोलाइट पाणी आणि सीपीआर देण्याचा प्रयत्न केला, ज्यामुळे त्यांना वाटलं की ती पुन्हा शुद्धीत येऊ शकते. पण तसं झालं नाही. “तिने दोन वेळा श्वास घेतला, पण तिच्या शरीरात जीव नव्हता, ती गेली होती, मी तिला उचलू शकत नव्हतो,” असं पराग त्यागीने नमूद केलं.

शेफालीचं निधन अँटी एजिंग औषधांमुळे झालं, अशा अफवा पसरल्या होत्या. पण परागने हे दावे पूर्णपणे फेटाळून लावले. शेफालीने कधीही या हानिकारक औषधांचा हानिकारक वापर केला नव्हता. ती नियमितपणे मल्टीविटामिन घेत होती आणि महिन्यातून एकदा आयव्ही ड्रिपद्वारे जीवनसत्त्वे घेत होती, असं परागने नमूद केलं.