तुनिषा आत्महत्या प्रकरणात नवं वळण; अभिनेत्रीचा फोन अनलॉक होताच आले शिझानच्या कुटुंबियांचे मेसेज

याबरोबरच तुनिषाचा मोबाईल अनलॉक करण्यात पोलिसांना यश मिळालं आणि त्या मोबाईलमधून माहिती काढण्याचा प्रयत्न सध्या पोलिस करत आहेत. तुनिषाचा फोन अनलॉक करण्यातही पोलिसांनी अॅपल कंपनीच्या अधिकृत लोकांना बोलावलं होतं.

आणखी वाचा : तुनिषाच्या आत्महत्येच्या दिवशी सेटवर नेमकं काय घडलं? चौकशीदरम्यान शिझान खानचा खुलासा

फोन सुरू होताच तुनिषाच्या मोबाईवर तिची आई आणि शिझानच्या कुटुंबियांचे मेसेज यायला सुरुवात झाल्याचं पोलिसांनी स्पष्ट केलं आहे. या माहितीच्या आधारावर पोलिस शिझानच्या कुटुंबियांचीसुद्धा चौकशी करू शकते अशी शक्यता वर्तवण्यात येत आहे. नुकतंच शिझानच्या फोनमधून त्याच्या सीक्रेट गर्लफ्रेंडबद्दलची माहिती समोर आली होती.

चौकशीदरम्यान शिझान आणि तुनिषा यांच्यात लंच ब्रेक दरम्यान संभाषण झाल्याचं शिझानने कबूल केल्याचा दावा पोलिसांनी केला आहे. पण अद्याप शिझान आणि तुनिषा यांच्यामध्ये नेमकं काय बोलणं झालं आणि नेमकं त्यानंतर काय घडलं याविषयी शिझानने खुलासा केलेला नाही. याबरोबरच पोलिस सध्या शिझान आणि तुनिषा यांच्यात झालेल्या चॅटिंगचाही तपास करत आहेत.