नाटक, मालिका, चित्रपट अशा तिन्ही माध्यमांमध्ये आपला ठसा उमटवणारी लोकप्रिय अभिनेत्री म्हणून स्पृहा जोशीला ओळखलं जातं. ‘उंच माझा झोका’, ‘अग्निहोत्र’, ‘एका लग्नाची तिसरी गोष्ट’ अशा गाजलेल्या मालिकांमुळे अभिनेत्री घराघरांत लोकप्रिय झाली. स्पृहा सोशल मीडियावर चांगलीच सक्रिय असते. आपल्या वैयक्तिक जीवनातील विविध अपडेट्स ती चाहत्यांना इन्स्टाग्रामच्या माध्यमातून देत असते. आपल्या व्यग्र वेळापत्रकातून वेळ काढत स्पृहा नुकतीच खास गोवा ट्रिपला गेली होती.
स्पृहा जोशी सध्या ‘संकर्षण via स्पृहा’ या कार्यक्रमाच्या माध्यमातून प्रेक्षकांच्या भेटीला येत आहे. शूटिंग आणि व्यग्र वेळापत्रकातून वेळ काढत अभिनेत्री अलीकडेच नवऱ्यासह गोव्याला गेली होती. या ट्रिपचा खास व्हिडीओ तिने इन्स्टाग्रामवर शेअर केला आहे.
स्पृहाने शेअर केलेल्या व्हिडीओमध्ये तिचा नेहमीपेक्षा काहीसा वेगळा अन् वेस्टर्न लूक पाहायला मिळत आहे. अभिनेत्री गोवा फिरायला तिचा पती वरदबरोबर गेल्याचं या व्हिडीओमध्ये पाहायला मिळत आहे. अभिनेत्रीने गोव्यातील निसर्गरम्य जागा, रेस्टॉरंट, पार्टी याची लहानशी झलक या व्हिडीओमध्ये दाखवली आहे.
स्पृहाने या व्हिडीओला “गोवा तुम्हाला कधीच निराश करणार नाही…हा ब्रेक गरजेचा होता” असं कॅप्शन दिलं आहे. दरम्यान, अभिनेत्रीच्या चाहत्यांनी तिच्या या व्हिडीओवर कमेंट करत कौतुकाचा वर्षाव केला आहे.
