scorecardresearch

Premium

ठरलं तर मग : अर्जुन ‘असा’ सिद्ध करणार साक्षी शिखरेचा खोटेपणा! समोर येणार मर्डर केसचं सत्य? पाहा नवा प्रोमो…

‘ठरलं तर मग’मध्ये पुन्हा एकदा सुरू होणार कोर्टाची लढाई! अर्जुन मधुभाऊंना निर्दोष ठरवेल का? मालिकेचा नवा प्रोमो आला समोर…

tharala tar mag courtroom drama
'ठरलं तर मग' मालिकेत येणार नवीन ट्विस्ट

‘ठरलं तर मग’ मालिकेला नुकतंच १ वर्ष पूर्ण झालं आहे. सध्या मालिकेत अर्जुन सायलीचे आभार मानणार असल्याचा सीक्वेन्स सुरू आहे. परंतु, आता येत्या काळात मालिकेचं कथानक पुन्हा एकदा मधुभाऊंच्या केसकडे वळणार आहे. हा विशेष भाग येत्या रविवारी म्हणजेच १० डिसेंबरला प्रेक्षकांना पाहायला मिळणार आहे.

प्रिया म्हणजेच खोट्या तन्वीनंतर आता अर्जुन कोर्टात साक्षी शिखरेची कसून चौकशी करणार आहे. यावेळी पुरावा म्हणून अर्जुनच्या हाती आश्रमाचं सीसीटीव्ही फुटेज लागलं आहे. या फुटेजमध्ये साक्षी शिखरे आणि तिची गाडी अगदी सहज पाहायला मिळत आहे. त्यामुळे अर्जुन साक्षीला तू आश्रमात काय करत होतीस याबद्दल प्रश्न विचारतो. त्याचे प्रश्न ऐकून साक्षी कोर्टात नि:शब्द होते असं समोर आलेल्या नव्या प्रोमोमध्ये पाहायला मिळत आहे.

Neil Wagner retires
नील वॅगनर; सळसळत्या चैतन्याची अनुभूती देणारा योद्धा
audience trolled sana javed by chanting sania mirza name
Video: सानिया मिर्झाचं नाव घेत प्रेक्षकांनी शोएब मलिकच्या तिसऱ्या बायकोला चिडवलं, नेटकरी म्हणाले, “भारत-पाकिस्तान…”
article about american activist marley dias
फेनम स्टोरी : लढवय्यी! मार्ले डायस
Vikram Rathore on India batting
अधिक चतुराईने खेळण्याची गरज; भारताचे फलंदाजी प्रशिक्षक विक्रम राठोड यांची प्रतिक्रिया

हेही वाचा : ‘सातव्या मुलीची सातवी मुलगी’ फेम तितीक्षा तावडे करतेय ‘दृश्यम २’मधील ‘या’ अभिनेत्याला डेट? ‘त्या’ फोटोंमुळे चर्चांना उधाण

अर्जुन कोर्टात साक्षी शिखरेला रिसॉर्टच्या गेटमधून ती नेमकी किती वाजता बाहेर पडली? याबद्दल प्रश्न विचारतो. यावर साक्षी “मी बाहेर पडले नव्हते” असं उत्तर अर्जुनला देते. यानंतर अर्जुन भर कोर्टात साक्षी रात्री ९ वाजून १७ मिनिटांनी रिसॉर्टच्या बाहेर पडल्याचं सीसीटीव्ही फुटेज दाखवतो आणि तिचा खोटेपणा सर्वांसमोर उघड करतो. अर्जुनने साक्षी शिखरे, तन्वी आणि महिपतचा खोटेपणा उघड केल्यामुळे सायली प्रचंड आनंदी झाल्याचं नव्या प्रोमोमध्ये पाहायला मिळत आहे. हा विशेष भाग प्रेक्षकांना रविवारी १० डिसेंबर दुपारी १ आणि रात्री ८ वाजता पाहायला मिळणार आहे.

हेही वाचा : Video : ‘बाईपण भारी देवा’ फेम अभिनेत्री आहे ‘ठरलं तर मग’ मालिकेची लेखिका! सांगितला सायली-अर्जुनचा वर्षभराचा प्रवास

‘ठरलं तर मग’ मालिकेतील या नव्या ट्विस्टची प्रेक्षक आतुरतेने वाट पाहत होते. साक्षी शिखरेचा खोटेपणा सिद्ध झाल्यावर मधुभाऊंची सुटका होणार का? अर्जुन मधुभाऊंना निर्दोष ठरवू शकेल का? या सगळ्या प्रश्नांची उत्तर प्रेक्षकांना या विशेष भागात मिळतील. याशिवाय साक्षी शिखरेचा पुढचा डाव काय असेल? अर्जुनचा सहकारी असलेल्या चैतन्यला वेडं ठरवून ती पुरावे नष्ट करणार का? हे देखील पाहणं उत्सुकतेचं ठरणार आहे. दरम्यान, याच नवनवीन ट्विस्टमुळे गेल्या अनेक महिन्यांपासून ही मालिका टीआरपीच्या शर्यतीत पहिल्या स्थानावर आहे.

Latest Comment
View All Comments
Post Comment

मराठीतील सर्व टेलीव्हिजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Tharala tar mag courtroom drama arjun investigate sakshi shikhare about murder case watch new promo sva 00

First published on: 06-12-2023 at 11:17 IST

संबंधित बातम्या

तुम्ही या बातम्या वाचल्या आहेत का? ×