‘सुख म्हणजे नक्की काय असतं’ फेम अभिनेत्री ‘झी मराठी’च्या नव्या मालिकेत झळकणार! ‘त्या’ फोटोत दिसली झलक

हर्षदा खानविलकर आणि तुषार दळवी या मालिकेत लक्ष्मी आणि श्रीनिवास यांच्या भूमिका साकारणार आहेत. श्रीनिवास हे एका कार कंपनीत सुपरवायझर म्हणून कार्यरत आहेत. तर, लक्ष्मी या मनापासून आपलं कुटुंब सांभाळत आहेत. आपल्या मुलींचं थाटामाटात लग्न व्हावं, आपलं हक्काचं घर बनावं अशी या वयोवृद्ध जोडप्याची इच्छा असते. लक्ष्मी आणि श्रीनिवास तसेच त्यांच्या कुटुंबीयांची गोष्ट या मालिकेत प्रेक्षकांना पाहायला मिळणार आहे.

हेही वाचा : Video : अखेर सूरज चव्हाणला मिळणार हक्काचं घर! भूमिपूजन सोहळा पडला पार; म्हणाला, “दादांनी गरीबाच्या पोराला…”

‘सुख म्हणजे नक्की काय असतं’ फेम अभिनेत्री नव्या मालिकेत झळकणार

‘लक्ष्मी निवास’ ( Zee Marathi ) या मालिकेत हर्षदा खानविलकर, तुषार दळवी, अक्षया देवधर, कुणाल शुक्ला यांच्या प्रमुख भूमिका असल्याचं नुकतंच समोर आलं आहे. परंतु, या प्रोमोमध्ये आणखी एक गोष्ट लक्ष वेधून घेते तो म्हणजे लक्ष्मी आणि श्रीनिवास यांच्या कुटुंबाचा फॅमिली फोटो. या फोटोतून ‘सुख म्हणजे नक्की काय असतं’ फेम अभिनेत्री मीनाक्षी राठोड या ‘लक्ष्मी निवास’ मालिकेमध्ये झळकणार असल्याचं समोर आलं आहे. यापूर्वीच्या मालिकेत मीनाक्षीने देवकी ही भूमिका साकारली होती. तिच्या पात्राला प्रेक्षकांची पसंती मिळाली होती. आता पुन्हा एकदा मीनाक्षी या नव्या मालिकेतून प्रेक्षकांचं मनोरंजन करण्यास सज्ज झाली आहे.

मीनाक्षीने ती ‘लक्ष्मी निवास’ मालिकेत ( Zee Marathi ) झळकणार असल्याची माहिती इन्स्टाग्राम स्टोरीवर पोस्ट शेअर करत दिली आहे. सध्या तिच्यावर कलाविश्वातून कौतुकाचा वर्षाव करण्यात येत आहे.

हेही वाचा : वांद्रे रेक्लेमेशनजवळ बसलेले प्रिया-उमेश; दुसऱ्या दिवशी थेट वृत्तपत्रात छापून आलेला फोटो, २५ वर्षांपूर्वीचा किस्सा ऐकून पिकला एकच हशा

दरम्यान, ‘झी मराठी’ची ( Zee Marathi ) ही नवीन मालिका मूळ ‘झी कन्नड’वरील टीआरपी टॉपर असणारी ‘लक्ष्मी निवासा’ मालिकेची रिमेक असणार आहे. ही नवीन मालिका नोव्हेंबर महिन्यात प्रसारित होण्याची शक्यता आहे. लवकरच या मालिकेची तारीख आणि वेळ जाहीर करण्यात येणार आहे.