ख्रिस रॉकला कानशिलात लगावल्यानंतर अभिनेता विल स्मिथने हॉलिवूडच्या फिल्म अकादमीचा दिला राजीनामा

विलने एक निवेदन जारी केलंय. त्यात तो म्हणतो की, “मी अकादमीच्या विश्वासाचा विश्वासघात केला आहे. मी इतर नामांकित आणि विजेत्यांना त्यांच्या असामान्य कार्यासाठी आनंद साजरा करण्याची संधी हिरावून घेतली आहे. मी दु:खी आहे. म्हणून, मी अॅकॅडमी ऑफ मोशन पिक्चर आर्ट्स अँड सायन्सेसच्या सदस्यत्वाचा राजीनामा देत आहे आणि बोर्डाकडून जी कारवाई केली जाईल, त्याचे पुढील परिणाम मी स्वीकारेन,” असं विल स्मिथने म्हटलंय.

जिच्यासाठी जागतिक मंचावर विल स्मिथने ख्रिस रॉकच्या कानशिलात लगावली, त्या जाडाची ‘अशी’ होती प्रतिक्रिया; व्हिडीओ व्हायरल

विल स्मिथच्या या कृत्यानंतर त्यावर जगभरातून प्रतिक्रिया उमटल्या. काहींनी विलला पाठिंबा दिला, तर काहींनी विलने केलेल्या कृत्याचा विरोध केला. दरम्यान, आता या घटनेला आणि सोहळ्याला आठवडा होत आला असताना विलने हॉलिवूडच्या अॅकॅडमी ऑफ मोशन पिक्चर आर्ट्स अँड सायन्सेसचा राजीनामा दिला आहे. शिवाय त्याने ख्रिसला मारल्याबद्दल माफी मागत दिलगिरी व्यक्त केली आहे.