25 February 2021

News Flash

मध्य रेल्वेची वाहतूक आजही विस्कळीत, सीएसटीकडे येणारी वाहतूक १५ ते २० मिनिटे उशीराने

चाकरमान्यांची प्रवासकोंडी

मध्ये रेल्वेवर बुधवारी रात्री आठच्या सुमारास सिग्नल यंत्रणेत बिघाड, पेंटोग्राफ, ओव्हरहेड वायर तुटणे, वीज पुरवठा खंडित होणे, हे सर्व बिघाड एकाच वेळी ठरावीक अंतराने झाल्याने रेल्वेसेवा पुरती कोलमडली होती.

पावसाळ्याला तोंड देण्यासाठी रेल्वे सज्ज असल्याचे दावे केले जात असतानाच बुधवारी हलक्या सरींनीच मध्य रेल्वेच्या मुख्य, हार्बर आणि ट्रान्स हार्बर या तिन्ही मार्गावर ठिकठिकाणी तांत्रिक बिघाड होऊन मुंबईकरांचे मेगाहाल झाले. दरम्यान, आजही मध्य रेल्वेमार्गावर गाड्या १५ ते २० मिनिटे उशिराने धावत आहेत. त्यामुळे चाकरमान्यांची प्रवासकोंडी झाली आहे.

लोकलकोंडी

मध्ये रेल्वेवर बुधवारी रात्री आठच्या सुमारास सिग्नल यंत्रणेत बिघाड, पेंटोग्राफ, ओव्हरहेड वायर तुटणे, वीज पुरवठा खंडित होणे, हे सर्व बिघाड एकाच वेळी ठरावीक अंतराने झाल्याने रेल्वेसेवा पुरती कोलमडली होती. तब्बल ८० सेवा रद्द झाल्याने प्रवाशांचा असंतोष उफाळून आला होता.

मध्य रेल्वे मार्गावरील शीव-मांटुगा, कुर्ला, विक्रोळी, घाटकोपर अशा चार ठिकाणी रात्री सव्वा आठच्या सुमारास पेंटोग्राफमध्ये बिघाड झाला. त्यामुळे धीमी व जलद वाहतूक विस्कळीत झाली. त्याचवेळी हार्बर मार्गावरील माहीम स्थानकाकडे जाणाऱ्या रेल्वे गाडीच्या पेंट्रोग्राफमध्ये बिघाड झाला. त्यात विक्रोळी येथे सर्वच सिग्नल बंद पडल्याने गोंधळात अधिकच भर पडली. मुख्य आणि हार्बर मार्गावरील हा गोंधळ कमी म्हणून की काय, ट्रान्स हार्बरवर ऐरोली येथे रात्री ८.४० वाजता एका गाडीमध्ये बिघाड झाला. यामुळे मध्य रेल्वेच्या मुख्य तसेच दोन्ही हार्बर मार्गावरील सेवा बंद पडली होती. आज सकाळी मध्य रेल्वेची सेवा पूर्ववत झाली होती. मात्र काही तासांतच रेल्वेचे रडगाणे पुन्हा सुरू झाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 26, 2016 11:21 am

Web Title: snags on cr line delay services during peak hours
टॅग : Loksatta,Marathi News
Next Stories
1 BLOG : मंत्रालयावर ‘लॉकी’चा हल्ला आणि बरंच काही…
2 खडसेंकडून प्रात्यक्षिकाद्वारे आरोपाचे खंडन
3 कर्मचाऱ्यांमध्ये ‘व्हायरस’चीच चर्चा
Just Now!
X