scorecardresearch

Premium

कामा रुग्णालयामध्ये बहरणार दुसरे मियावाकी जंगल

कामा रुग्णालयाच्या आवारातील तब्बल ७ हजार चौरस फूट जागेवर मियावाकी वन उभे राहात असून, त्यामध्ये विविध ४५ प्रकारची १५०० झाडे लावण्यात येत आहेत.

second Miyawaki forest being planted state government's Kama Hospital curb rising pollution Mumbai
कामा रुग्णालयामध्ये बहरणार दुसरे मियावाकी जंगल (छायाचित्र- लोकसत्ता टीम)

मुंबई: मुंबईमधील खालावणारी हवेची गुणवत्ता आणि वाढते प्रदूषण याची दखल घेत मुंबई उच्च न्यायालयाने प्रदूषण रोखण्यासाठी उपाययोजनांची अंमलबजावणी करण्याच्या सूचना स्थानिक प्रशासनाला दिल्या आहेत. मुंबईमधील वाढते प्रदूषण रोखण्यासाठी आवश्यक तेवढे वृक्षारोपण करण्यात येत नाही. मुंबईतील वाढते प्रदूषण रोखण्यासाठी राज्य सरकारच्या कामा रुग्णालयामध्ये दुसरे मियावाकी वन फुलविण्यात येत आहे. कामा रुग्णालयाच्या आवारातील तब्बल ७ हजार चौरस फूट जागेवर मियावाकी वन उभे राहात असून, त्यामध्ये विविध ४५ प्रकारची १५०० झाडे लावण्यात येत आहेत.

विकासाच्या नावाखाली मुंबईमध्ये होत असलेल्या बांधकामांमुळे प्रदूषणात वाढ होत आहे. परिणामी, मुंबईकरांचे आरोग्य धोक्यात आले आहे. मुंबईतील वाढते प्रदूषण रोखण्यासाठी मुंबई महानगरपालिकेने उपाययोजन करण्याबरोबरच मार्गदर्शक तत्त्वे जाहीर केली आहेत. मात्र प्रदूषण रोखण्यामध्ये वृक्षांची भूमिका महत्त्वाची आहे. त्यामुळे राज्य सरकारच्या कामा रुग्णालयामध्ये दुसरे मियावाकी वन उभारण्यात येत आहे. हे मियावाकी वन ग्लेनमार्क फाऊंडेशनच्या माध्यमातून उभारण्यात येणार आहे. या वनामध्ये अडुळसा, आवळा, दालचिनी, हिरडा, बदाम, फणस, कडीपत्ता, आंबा, कोकम, नागचाफा, करवंद, पिंपळ, शमी, सीता अशोक, सोनचाफा, सुपारी, तेजपत्ता, वड, रिठा, पारिजात, निरगुंडी आदी ४५ प्रजातींची १५०० देशी आणि आयुर्वेदिक गुण असलेली झाडे लावण्यात येत आहेत.

hospitals of Mumbai Municipal Corporation will be illuminated with the light of biogas
बायोगॅसच्या प्रकाशाने मुंबई महानगरपालिकेची रुग्णालये उजळणार
Pimpri Chinchwad, bribery case, Assistant Commissioner, Mugutlal Patil, acb, police, Under Investigation
लाच प्रकरणात पिंपरीतील सहायक पोलीस आयुक्त अडचणीत, गुन्हा दाखल न करण्यासाठी पाच लाखांची मागणी
Action against drug shops
मुंबई : विनापरवाना औषध विक्री करणाऱ्या औषधाच्या दुकानावर कारवाई; ८५ हजार रुपयांची ९१ प्रकारची औषधे केली जप्त
Medicines will be available at affordable rates in Pimpri Municipal Hospitals
पिंपरी महापालिकेच्या ‘या’ रुग्णालयांच्या परिसरात मिळणार स्वस्त दरामध्ये औषधे

हेही वाचा… मुंबईः पाच विद्यार्थिनींचा विनयभंग केल्याप्रकरणी शाळेच्या शिपायाला अटक

हे वन ७ हजार स्क्वेअर फूट जागेवर उभारण्यात येत आहे. या मियावाकी वनाची काळजी घेण्यासाठी रुग्णालय प्रशासनाकडून माळ्याची व्यवस्था करण्यात आली आहे. वनातील झाडांची निगा राखणे, त्यांना खते घालणे याचप्रमाणे झाडांना दिवसांतून दोन वेळा पाणी घालण्यात येत आहे. झाडांना योग्य पाणीपुरवठ्यासाठी ठिबक सिंचन पद्धतीचा वापर करण्यात येत आहे. मियावाकी उद्यानात झाडांना घालणाऱ्या पाण्यांचे बाष्पीभवन होऊ नये यासाठी झाडांभोवती प्लास्टिकचे आवरण घालण्यात आले आहे. या उद्यानाच्या देखभालीसाठी संस्थेकडून योग्य मार्गदर्शन करण्यात येत असून, ते झाडांच्या जोपासनेवर लक्ष ठेवणार आहेत, अशी माहिती कामा रुग्णालयाचे अधीक्षक डॉ. तुषार पालवे यांनी दिली.

पहिले मियावाकी उद्यान १५ हजार स्क्वेअर फूट जागेवर

जागतिक वसुंधरा दिनानिमित्त २०२२ मध्ये कामा रुग्णालयाच्या आवारात १५ हजार चौरस फूट जागेवर मियावाकी पद्धतीने वन साकारण्यात आले आहे. यामध्ये तब्बल ७०२६ झाडे लावण्यात आली आहेत. मियावाकी वनात जैवविविधतता राखण्यासाठी महत्त्वाची भूमिका पार पाडणार्‍या झाडांचा समावेश आहे. या वनामुळे मोठ्या प्रमाणात प्राणवायूची निर्मिती व कार्बन डायऑक्साईडचे प्रमाण कमी करण्यास मदत होणार आहे.

मुंबईतील वाढत्या प्रदुषणाला प्रतिबंध करण्यासाठी झाडांची भूमिका महत्त्वाची आहे. शहरात झाडांची संख्या कमी असल्याने रुग्णालयाच्या आवारात मियावाकी वनाच्या माध्यमातून झाडे लावण्यात येत आहेत. – डॉ. तुषार पालवे, वैद्यकीय अधीक्षक, कामा रुग्णालय

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: A second miyawaki forest is being planted at the state governments kama hospital to curb the rising pollution in mumbai print news dvr

First published on: 09-11-2023 at 12:37 IST

आजचा ई-पेपर : मुंबई

वाचा
epaper image

संबंधित बातम्या

तुम्ही या बातम्या वाचल्या आहेत का? ×