शिवसेनेचे बदलापूर उपशहरप्रमुख आणि माजी नगरसेवक मोहन राऊत यांची शुक्रवारी सकाळी पावणेदहाच्या सुमारास कात्रप येथील त्यांच्या कार्यालयात अज्ञात हल्लेखोरांनी गोळ्या घालून हत्या केली. या हत्येच्या निषेधार्थ दिवसभर बदलापूर शहरात कडकडीत बंद पाळण्यात आला. राऊत यांच्या पत्नी विजया आणि भावजय शीतल नगरसेविका आहेत. कात्रप परिसरातील त्यांच्या संपर्क कार्यालयात राऊत बसले असताना हल्लेखोरांनी त्यांच्यावर जवळून गोळ्या झाडल्या. दरम्यान, या हत्येप्रकरणी रात्री उशीरा आमदार किसन कथोरे यांच्यासह योगेश राऊत, जगदीश राऊत, समीर धारवे, रमेश पाटील, पप्पू मोरे, देवेंद्र मालुसरे यांच्याविरोधात गुन्हा दाखल करण्यात आला आह़े