विरार - सूरत रेल्वे मार्गादरम्यान ब्लॉक

पश्चिम रेल्वेवर मिशन रफ्तार प्रकल्पाचे काम सुरू असून प्रकल्पाचे काम करण्यासाठी विरार - सूरतदरम्यान ब्लॉक घेण्यात येणार आहे.

काही लोकल आणि रेल्वेगाड्यावर परिणाम होणार आहे. (फोटो- संग्रहित छायचित्र)

लोकसत्ता प्रतिनिधी

मुंबई : पश्चिम रेल्वेवर मिशन रफ्तार प्रकल्पाचे काम सुरू असून मिशन रफ्तारअंतर्गत मुंबई – सुरत – वडोदरा – दिल्ली आणि मुंबई – वडोदरा – अहमदाबाद या महत्त्वाच्या विभागांवर ताशी १६० किमी वेगाने रेल्वेगाड्या धावण्यावर लक्ष केंद्रित करण्यात आले आहे. या प्रकल्पाचे काम करण्यासाठी विरार – सूरतदरम्यान ब्लॉक घेण्यात येणार आहे. रविवारी सकाळी ९.१० ते १०.३० दरम्यान हा ब्लॉक घेण्यात येणार आहे. त्यामुळे काही लोकल आणि रेल्वेगाड्यावर परिणाम होणार आहे.

आणखी वाचा-शासकीय भूखंडावरील सहकारी गृहनिर्माण संस्थांना दिलासा नाही!

पश्चिम रेल्वेवरील विरार – सूरतदरम्यान अप आणि डाऊन दोन्ही मार्गावर रविवारी सकाळी ९.१० ते १०.३० या काळात ब्लॉक घेण्यात येणार आहे. ब्लॉक कालावधीत गाडी क्रमांक १२९३४ अहमदाबाद – मुंबई सेंट्रल कर्णावती एक्स्प्रेस रविवारी २५ मिनिटे विलंबाने धावेल. तर, रविवारी सकाळी ७.१७ ची चर्चगेट – डहाणू रोड लोकल वाणगावपर्यंत चालवण्यात येईल. रविवारी सकाळी ९.३७ वाजेची डहाणू रोड-विरार लोकल डहाणू रोडऐवजी वाणगाववरून सकाळी ९.५० वाजता सुटेल. रविवारी सकाळी ७.४२ ची चर्चगेट – डहाणू रोड लोकल वाणगावपर्यंत चालवण्यात येईल. तर, रविवारी सकाळी १०.१० ची डहाणू रोड – विरार लोकल डहाणू रोडऐवजी सकाळी १०.२५ वाजता वाणगाववरून सुटेल.

विरार – सूरत रेल्वे मार्गादरम्यान ब्लॉक