scorecardresearch

Premium

चर्नीरोड वसतिगृह हत्या प्रकरण: विद्यार्थिनीच्या खोलीत आरोपीचा पाइपवरून प्रवेश?

सकाळी पावणे पाचच्या सुमारास आरोपी सुरक्षा रक्षक वसतिगृहातून बाहेर पडल्याचे सीसीटीव्ही चित्रीकरणात दिसत दिसते.

charni road hostel murder security guard entered student room through pipe
चर्नी रोड येथील सावित्रीबाई फुले महिला छात्रालय

मुंबई : चर्नीरोड येथील वसतिगृहातील विद्यार्थिनीच्या हत्येच्या दिवशी आरोपीने तिच्या खोलीत प्रवेश कसा केला? याबाबत मरिन ड्राइव्ह पोलीस तपास करत आहेत. वसतिगृहाच्या आतील प्रवेशद्वार बंद असल्यामुळे तो पाइपलाइनद्वारे पहिल्या मजल्यावर पोहोचला असावा, अशी माहिती प्राथमिक तपासात उघड झाली आहे.

चौथ्या मजल्यावर राहणाऱ्या विद्यार्थिनीच्या खोलीत प्रवेश करून आरोपीने तिच्या खोलीचे दार कसे उघडले, याबाबत पोलीस तपास करत आहेत. आरोपीकडे या मृत विद्यार्थिनीच्या खोलीची चावी आधीपासूनच होती का? त्याने बनावट चावी तयार केली होती का? अथवा कुठल्या दुसऱ्या पद्धतीने त्याने दार उघडले का? याबाबत पोलीस तपास करत आहेत. याप्रकरणी आतापर्यंत १० हून अधिक जणांचे जबाब नोंदवण्यात आले आहेत.

thackeray group organizes hou de charcha event in kalyan dombivali
कल्याण-डोंबिवलीत ‘होऊ द्या चर्चां’च्या चौक सभा; शिवसेना ‘उबाठा’तर्फे आयोजन
Rishi Sunak and Akshata Murthy
ब्रिटनचे पंतप्रधान ऋषी सुनक यांच्या पत्नी अक्षता मूर्ती यांचा G20 मधून परतताच मोठा निर्णय, ऐकून बसेल आश्चर्याचा धक्का
The employee boarded the truck to collect the toll from the truck driver
ट्रक चालकाकडून टोलचे पैसे घेण्यासाठी कर्मचारी चढला चालत्या ट्रकवर; Video पाहून हसू आवरणार नाही…
aditya thackeray letter to bmc commissioner demand to disposed accumulated waste in city
मुंबईत साचलेल्या कचऱ्याच्या ढिगांची विल्हेवाट लावावी; आदित्य ठाकरे यांचे मुंबई महानगरपालिका आयुक्तांना पत्र

मृत विद्यार्थिनीच्या मैत्रिणीने सर्वप्रथम मृतदेह पाहिला होता. तिने पोलिसांना दिलेल्या माहितीनुसार, मृत विद्यार्थिनी रात्री साडेअकरा वाजेपर्यंत तिच्याबरोबर होती. तसेच सकाळी तिने या विद्यार्थिनीला अनेक वेळा दूरध्वनी केले. या काळात  कुटुंबीयांनीही तिला दूरध्वनी केले होते. मात्र, प्रतिसाद मिळत नसल्यामुळे तिच्या मैत्रिणीने अखेर सायंकाळी वसतिगृहाच्या प्रवेशद्वारावरील नोंदवही तपासली. त्यानुसार ही विद्यार्थिनी वसतिगृहात आल्याची नोंद होती. पण बाहेर गेल्याची कोणतीही नोंद नव्हती. त्यामुळे या मैत्रिणीने खोलीजवळ जाऊन पाहिले असता तिला मृतदेह दिसला. याबाबत तिने वसतिगृहाच्या अधिकाऱ्यांना सांगितल्यानंतर त्यांनी सायंकाळी पाचच्या सुमारास पोलिसांना माहिती दिली. मरिन ड्राइव्ह पोलिसांनी घटनास्थळी जाऊन दरवाजा उघडून प्रवेश केला असता मृत विद्यार्थिनी जमिनीवर पडली होती.  तिचा गळा आवळून हत्या झाली होती. प्राथमिक शवविच्छेदन अहवालात गळा दाबूनच तिची हत्या करण्यात आल्याचे निष्पन्न झाले आहे. सकाळी पावणे पाचच्या सुमारास आरोपी सुरक्षा रक्षक वसतिगृहातून बाहेर पडल्याचे सीसीटीव्ही चित्रीकरणात दिसत दिसते.

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Charni road hostel murder security guard entered student room through pipe mumbai print news zws

संबंधित बातम्या

तुम्ही या बातम्या वाचल्या आहेत का? ×