मुंबईसाठी केलेले चांगले काम दाखवा; उपमुख्यमंत्री देवेंद्र फडणवीस यांचे उद्धव ठाकरे यांना आव्हान

केंद्रीय वाणिज्य मंत्री आणि उत्तर मुंबईतील महायुतीचे उमेदवार पियूष गोयल यांच्या कांदिवलीतील प्रचार कार्यालयाचे उद्धाटन फडणवीस यांच्या हस्ते बुधवारी करण्यात आले. त्यानंतर झालेल्या सभेत फडणवीस यांनी उद्धव ठाकरे यांच्यावर जोरदार टीकास्त्र सोडले. गोयल यांना विक्रमी मतांनी विजयी करण्याचे आवाहन करुन फडणवीस म्हणाले,  ‘गरिबी नाही, तर गरीबांना हटवा ’ , असे काँग्रेसचे धोरण आहे. महायुतीने मात्र झोपडपट्टीवासियांना त्यांच्या जागेवरच चांगले घर उपलब्ध करुन देण्याचा संकल्प केला आहे. ज्यांच्या झोपडय़ा केंद्र सरकारच्या जमिनींवर आहेत, त्यांच्यासाठी केंद्रानेही जमिनी देण्यास मान्यता दिली आहे. देशातील सर्वसामान्यांच्या जीवनाचा कायापालट करण्यासाठी किंवा आमूलाग्र परिवर्तन घडविण्यासाठी पंतप्रधान नरेंद्र मोदी ही गेली १० वर्षे अथकपणे प्रयत्न करीत आहेत. पुढील काळातही देशाच्या प्रगतीचे इंजिन वेगाने पुढे जावे, असे वाटत असेल, तर मोदींच्या मागे सर्वानी खंबीरपणे उभे रहावे. महायुतीच्या उमेदवाराला मत म्हणजे, मोदींना मत असून विरोधात मत म्हणजे राहुल गांधींना मत आहे, हे सर्वानी लक्षात ठेवावे, असेही फडणवीस म्हणाले. यावेळी मुंबई उपनगर पालक मंत्री मंगलप्रभात लोढा, मुंबई भाजप अध्यक्ष आमदार अ‍ॅड. आशिष शेलार, खासदार गोपाळ शेट्टी, उत्तर प्रदेशचे माजी राज्यपाल राम नाईक, आमदार अतुल भातखळकर आदी उपस्थित होते.

आणखी वाचा

बहुजन समाजातील संधीसाधूपणावर उपाय काय?

Madhurima Raje : सतेज पाटील ज्यांच्यामुळे ढसाढसा रडले…

मुंबई झोपडीमुक्त करणार- मुख्यमंत्री

आर्थिक घसरणीवरून राज्य सरकार लक्ष्य! शरद पवार, विजय वडेट्टीवार यांची सरकारवर टीका

हमीभावाचा अर्थ व अनर्थ

पुण्याची हवा धोकादायक पातळीवर, बिघडलेल्या हवेचे परिणाम काय?

जयंत पाटलांच्या अविचारी राजकारणाला पूर्णविराम द्या – सदाभाऊ खोत

पालिका आयुक्तांची सफाई कामगारांसोबत दिवाळी, कामगारांच्या वसाहतीला सपत्नीक भेट