scorecardresearch

Premium

प्लास्टिकच्या बाटल्या काढताना नाल्यात पडून एका व्यक्तीचा मृत्यू

प्लास्टिकच्या बाटल्या गोळा करताना एक व्यक्ती पाय घसरून गुरुवारी विक्रोळीमधील नाल्यात वाहून गेली.

mumbai man falls into drain, man dies after falls in drain while collecting plastic bottles, plastic bottles death
प्लास्टिकच्या बाटल्या काढताना नाल्यात पडून एका व्यक्तीचा मृत्यू (संग्रहित छायाचित्र)

मुंबई : प्लास्टिकच्या बाटल्या गोळा करताना एक व्यक्ती पाय घसरून गुरुवारी विक्रोळीमधील नाल्यात वाहून गेली. शोध मोहिमेदरम्यान शुक्रवारी या व्यक्तीचा मृतदेह अग्निशमन दलाच्या जवानांना सापडला. पार्कसाईट पोलिसांनी अपमृत्यूची नोंद करून तपास सुरू केला आहे. विक्रोळी पार्क साईट परिसरात वास्तव्यास असलेले प्रशांत सोनवणे (३४) आणि त्यांचा मित्र राहुल सुरवसे (४४) गुरुवारी सायंकाळी विक्रोळीमधील संगम नगर परिसरातील नाल्यातून प्लास्टिकच्या बाटल्या जमा करीत होते.

यावेळी राहुल सुरवसेचा पाय घसरला आणि तो नाल्यात पडला. पाण्याचा प्रवाह जास्त असल्याने तो वाहून गेला. त्याच्यासोबत असलेल्या प्रशांत सोनवणे यांनी तत्काळ याबाबतची माहिती येथील रहिवाशांना दिली. रहिवाशांनी पोलिसांशी संपर्क साधला. त्यानंतर तात्काळ पार्कसाइट पोलीस ठाण्यातील पोलीस अधिकारी – कर्मचारी, अग्निशमन दलाचे जवान आणि महानगरपालिका कर्मचारी घटनास्थळी दाखल झाले.

delivery boy was robbed pune
पुणे : कोयत्याच्या धाकाने डिलिव्हरी बॉयला लुटले
two dead after bike rams into divider on lalbaug flyover
मुंबईः लालबाग उड्डाणपुलावर अपघातात दोघांचा मृत्यू
13 Notice to central government on doctor plea
१३ डॉक्टरांच्या याचिकेवर केंद्र सरकारला नोटीस
tree-cutting_8b16ee
धक्कादायक! पुण्यात होणार २२ हजार झाडांची कत्तल?

हेही वाचा : ईडीचे मुंबईसह देशभरात ३९ ठिकाणी छापे; ४१७ कोटींची मालमत्ता जप्त, सेलिब्रिटींनीही हवालामार्फत पैसे स्वीकारले

अग्निशमन दलाच्या जवानांनी घटनास्थळी दाखल होताच तात्काळ शोध मोहीम हाती घेतली. ही मोहीम गुरुवारी रात्री उशीरापर्यंत सुरू होती. अग्निशमन दलाच्या जवानांनी शुक्रवारी सकाळी पुन्हा शोध मोहीम सुरू केली. दरम्यान, गोदरेज हिल साईट परिसरातील नाल्यात एका व्यक्तीचा मृतदेह असल्याची माहिती पोलिसांना मिळाली. घटनास्थळी पाहणी केली असता तो मृतदेह राहुलचा असल्याचे निष्पन्न झाले. अग्निशमन दलाच्या जवानांनी राहुलचा मृतदेह नाल्यातून बाहेर काढला आणि शवविच्छेदनासाठी राजावाडी रुग्णालयात पाठवला.

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: In mumbai man dies after falling into drain while collecting plastic bottles from the drain mumbai print news css

First published on: 15-09-2023 at 16:32 IST

आजचा ई-पेपर : मुंबई

वाचा
epaper image

संबंधित बातम्या

×