काळाचौकीत प्रियकराकडून प्राणघातक हल्ला; जखमी मनिषा यादवचाही रुग्णालयात मृत्यू…

आरोपी सोनू बराय (२४) आणि मनिषा यादव हे काळाचौकी परिसरातील आंबेवाडी येथे राहणारे होते. शुक्रवारी सकाळी साडेदहाच्या सुमारास दोघे काळाचौकी येथील दत्ताराम लाड मार्गावरून बोलत जात होते. त्यांच्यात शाब्दीक वाद झाला. त्यानंतर सोनूने खिशातील चाकू काढून मनिषावर हल्ला केला. या हल्ल्यामुळे मनिषा जीव वाचवण्यासाठी समोरील आस्था शूश्रृषागृहात केली.

सोनू धावत तिच्या मागे गेला आणि त्याने तिच्यावर चाकूने वार केले. तेथे असलेले वाहतूक पोलीस किरण सूर्यवंशी यांनी स्थानिक रहिवाशांच्या मदतीने मनिषाला सोडवले. दरम्यान, सोनून स्वत:च्या गळ्यावरही चाकूने वार केले. तो रक्ताच्या थारोळ्यात पडला. मनिषाला राणी बागेतील डॉ. बाबासाहेब आंबेडकर रुग्णालयात नेण्यात आले. तिथे तिच्यावर प्रथमोपचार करण्यात आले. पुढील उपचारासाठी तिला केईएम रुग्णालयात दाखल करण्यात आले.

उपचारादरम्यान मनिषाचाही मृत्यू

मनिषाची प्रकृती चिंताजनक होती. तिच्यावर चाकूचे अनेक वार करण्यात आल्याने मोठ्या प्रमाणावर रक्तस्त्राव झाला होता. केईएम रुग्णालयाच्या अतिदक्षता विभागात तिच्यावर उपचार सुरू होते. संध्याकाळी साडेपाचच्या सुमारास तिचा मृत्यू झाला.

प्रेमसंबंध तुटल्याने केली हत्या

सोनू आणि मनिषा एकाच परिसरात वास्तव्यास होते. त्यांच्यात प्रेमसंबध होते. १० दिवासंपूर्वीच त्यांच्यातील संबंध संपुष्टात आले होते. त्यामुळे सोनू प्रचंड सतापला होता. त्यामुळेच त्याने मनिषावर हल्ला करून स्वत:ला संपवले असावे, असे पोलिसांनी सांगितले.

आरती यादव घटनेची पुनरावृत्ती

नालासोपारा येथे वास्तव्यास असलेल्या आरती यादव (२०) या तरुणीची जून २०२४ मध्ये तिचा प्रियकर रोहीत यादवे (२८) अशाच प्रकारे रस्त्यात गाठून लोखंडी पान्याने वार करून हत्या केली होती. आरतीने ६ वर्षांपासून असलेले प्रेमसंबंध तोडल्याने रोहीतने तिची हत्या केली होती.