अंधेरी, विलेपार्ले पूर्व परिसरात रविवारपासून कमी दाबाने पाणीपुरवठा

मुंबई महानगर प्रदेश विकास प्राधिकरणातर्फे २२ जूनपासून शनिवार, २८ जूनपर्यंत सकाळी ७.३० ते दुपारी ३.३० आणि रात्री ९.३० ते मध्यरात्रीनंतर ३.३० या वेळेत खोदकाम करण्यात येणार आहे. त्यामुळे के पूर्व विभागातील काही भागांमध्ये कमी दाबाने पाणीपुरवठा होईल. त्यानुसार विलेपार्ले (पूर्व) परिसरात सायंकाळी ५ ते रात्री ८ या वेळेत कमी दाबाने पाणीपुरवठा होईल. जुना नागरदास मार्ग, नवीन नागारदास मार्ग, मोगरापाडा, अंधेरी – कुर्ला मार्ग येथे रात्री ८ ते ९.३० दरम्यान कमी दाबाने पाणीपुरवठा होईल.