मुंबई : मध्य, पश्चिम रेल्वेवरील विविध अभियांत्रिकी आणि देखभालीची कामे करण्यासाठी मध्य, पश्चिम रेल्वेवर शनिवारी रात्रकालीन ब्लाॅक घेण्यात येणार आहे. त्यामुळे मध्य, पश्चिम रेल्वेवर रविवारी दिवसकालीन ब्लॉक नसेल. मध्य रेल्वे मुख्य मार्ग कुठे : माटुंगा-मुलुंड अप आणि डाऊन जलद मार्गावर कधी : शनिवारी रात्री १२.३० - पहाटे ४.३० वाजेपर्यंत परिणाम : ब्लॉक कालावधीत माटुंगा - मुलुंड अप आणि डाऊन जलद मार्गावरील सर्व लोकल जलद मार्गावर वळवण्यात येतील. हेही वाचा - हार्बर मार्ग कुठे : पनवेल-वाशी अप आणि डाऊन मार्गावर कधी : शनिवारी रात्री १२.४० - पहाटे ४.४० वाजेपर्यंत परिणाम : ब्लॉक कालावधीत सीएसएमटी - पनवेल, पनवेल - ठाणे लोकल फेऱ्या बंद असतील. ब्लॉक काळात ठाणे - वाशी / नेरुळ दरम्यान ट्रान्स हार्बर मार्ग सुरू असेल. हेही वाचा - पश्चिम रेल्वे कुठे : मुंबई सेंट्रल - माहीम दरम्यान अप आणि डाऊन जलद मार्गावर कधी : शनिवारी रात्री १२.३० - पहाटे ४ वाजेपर्यंत परिणाम : ब्लॉक कालावधीत सर्व जलद लोकल सांताक्रूझ - चर्चगेट दरम्यान धीम्या मार्गावर धावतील.
