दीड महिन्यानंतर अखेर मुंबईची हवा शुद्ध !

ओझोन मात्र वाढला..
पृथ्वीभोवती असलेल्या ओझोनच्या थरामुळे सूर्याच्या अतिनील किरणांपासून रक्षण होते. मात्र जमिनीलगतचा ओझोन हा विषारी मानला जातो. शरीरात गेल्यास खोकला, श्वास घेण्यास अडथळे तसेच फुप्फुसात जळल्यासारखे वाटू शकते. या ओझोनचा शेतांवर तसेच झाडांवरही विपरीत परिणाम होतो. सल्फर ऑक्साइड तसेच कार्बन मोनॉक्साइड या वाहनांमधून बाहेर पडणाऱ्या वायूंच्या संयुगातून ओझोन तयार होतो. सध्या मुंबईतील बहुतांश उपनगरात ओझोनची पातळी शंभरहून अधिक वाढली आहे. हे प्रमाण धोकादायक नसले तरी सुरक्षित पातळीपेक्षा अधिक आहे.

दुपारी गारठा..
मुंबई : मार्चमधील उन्हाळ्याकडे एकीकडे हवामानाचा प्रवास सुरू झालेला असतानाच ईशान्येकडील थंड वाऱ्यांमुळे दुपारी गारठा जाणवत आहे. सकाळचे किमान तापमान १५ अंश से. खाली गेले असताना दुपारीही २७ ते २८ अंश से. दरम्यान कमाल तापमान राहत आहे.
जानेवारीच्या अखेरच्या आठवडय़ात दुपारच्या तापमानाने ३०चा पल्ला पार केला होता. मात्र गेल्या चार दिवसात थंड वारे प्रभावी ठरत आहेत. मध्यरात्रीनंतर पूर्व तसेच ईशान्य वाऱ्यांचा प्रभाव वाढत असल्याने सकाळचे तापमान कमी होतेच, पण त्यामुळे दुपारच्या कमाल तापमानावरही परिणाम होत आहे. शनिवारी २८ अंश से., रविवारी, २८ अंश से. तर सोमवारी २८ अंश से. कमाल तापमान राहिले.पुढील दिवसात कमाल व किमान तापमानातही दोन ते तीन अंश से.ने वाढ होणार असल्याचा अंदाज वेधशाळेने नोंदवला.