गोरेगाव – बोरिवलीदरम्यान जलद लोकल धावणार नाही

मध्य रेल्वे

कुठे : विद्याविहार – ठाणेदरम्यान पाचव्या आणि सहाव्या मार्गिकेवर

कधी : शनिवारी रात्री १२.४० पासून पहाटे ४.४० पर्यंत

परिणाम : ब्लाॅक कालावधीत विद्याविहार – ठाणेदरम्यान पाचव्या आणि सहाव्या मार्गिकेवरील रेल्वेगाड्या अप आणि डाऊन जलद मार्गावर चालवण्यात येणार आहेत. त्यामुळे जलद मार्गावरील लोकल सेवा विस्कळीत होण्याची शक्यता आहे. ब्लाॅक कालावधीत लोकल विलंबाने धावतील. तर, मध्य रेल्वेवर रविवारी दिवसकालीन मुख्य मार्ग, हार्बर, ट्रान्स हार्बर मार्गावर कोणताही मेगाब्लाॅक घेण्यात येणार नाही. गाडी क्रमांक १२८११ लोकमान्य टिळक टर्मिनस – हटिया एक्स्प्रेस, गाडी क्रमांक २२५३८ लोकमान्य टिळक टर्मिनस – गोरखपूर कुशीनगर एक्स्प्रेस आणि गाडी क्रमांक ११०९९ लोकमान्य टिळक टर्मिनस – मडगाव एक्स्प्रेस विद्याविहार – ठाणे/ कल्याण दरम्यान डाऊन जलद मार्गावर वळवण्यात येतील. ब्लाॅक कालावधीत रेल्वेगाड्या १० ते १५ मिनिटे उशिराने धावतील. ब्लॉकदरम्यान सहाव्या मार्गावर धावणाऱ्या लांबपल्ल्याच्या रेल्वेगाड्या कल्याण/दिवा – विद्याविहार स्थानकांदरम्यान अप जलद मार्गावर वळवण्यात येतील आणि १० ते १५ मिनिटे विलंबाने पोहचतील. गाडी क्रमांक १८०३० शालिमार – लोकमान्य टिळक टर्मिनस एक्स्प्रेस, गाडी क्रमांक १८५१९ विशाखपट्टणम – लोकमान्य टिळक टर्मिनस एक्स्प्रेस, गाडी क्रमांक २०१०४ आजमगढ – लोकमान्य टिळक टर्मिनस अतिजलद एक्स्प्रेस जलद मार्गावर वळवण्यात येतील.

पश्चिम रेल्वे

कुठे : बोरिवली – गोरेगाव अप आणि डाऊन जलद मार्गावर

कधी : रविवारी सकाळी १० पासून दुपारी ३ पर्यंत

परिणाम : ब्लाॅक कालावधीत अप आणि डाऊन जलद मार्गावरील सर्व लोकल गोरेगाव – बोरिवली स्थानकांदरम्यान धीम्या मार्गावर चालवण्यात येतील. तर, काही अप आणि डाऊन लोकल रद्द करण्यात येतील. तसेच हार्बर मार्गावरील अंधेरी आणि बोरिवली लोकल गोरेगावपर्यंत चालवण्यात येतील.