scorecardresearch

Premium

ट्युशनला जाते सांगून मुलुंड स्टेशनला आली, फलाटावर ट्रेन येताच शांतपणे रुळांवर उतरली अन्…, धक्कादायक घटना समोर

पोलीस लवकरच मुलीच्या शाळा आणि शिकवणी कर्मचारी आणि मैत्रिणींशी बोलून या आत्महत्येमागचं कारण शोधणार आहेत. याप्रकरणी अपघाती मृत्यूची नोंद करण्यात आली आहे.

wife killed her husband by beating with wooden rolling
प्रातिनिधिक छायाचित्र

मुलुंड पूर्वेतील म्हाडा कॉलनीत राहणाऱ्या १३ वर्षीय अल्पवयीन मुलीने रेल्वे रुळांवर उडी मारून आत्महत्या केल्याची धक्कादायक घटना शुक्रवारी घडली आहे. ती पालिकेच्या सीबीएसई शाळेत शिकत होती. क्लासला जाण्याच्या निमित्ताने ती घराबाहेर पडली आणि तिने आत्महत्या केल्याची माहिती पोलिसांनी दिली आहे.

या प्रकरणाचा तपास करणार्‍या रेल्वे पोलिसांनी दिलेल्या माहितीनुसार, घटनेच्या दिवशी मुलगी नेहमीप्रमाणे दुपारी शाळेतून घरी आली. घरी आल्यानंतर तिने दुपारचे जेवण केले आणि ट्यूशनसाठी निघाली. त्यानंतर ती एसी बसमध्ये चढली आणि मुलुंड स्टेशनवर उतरली. बसमधून उतरल्यानंतर ती मुलगी मुलुंड रेल्वे स्थानकात शिरली आणि प्लॅटफॉर्म क्रमांक चारवर पोहोचली. येथून सीएसएमटीकडे जाणाऱ्या जलद लोकल जातात.

santhan rajiv gandhi case convict
राजीव गांधी हत्या प्रकरणातील दोषीचा सुटकेनंतर दोन वर्षांनी मृत्यू; आरोपी संथन कोण होता?
2 youth arrested for Killing elderly couple in thane
ठाण्यातील वृद्ध दाम्पत्याच्या हत्येप्रकरणी दोघांना अटक; चोरीच्या उद्देशातून हत्या केल्याचा प्राथमिक अंदाज
sharad mohol murder case marathi news, sharad mohol murder news in marathi, sharad mohol latest news in marathi
सराईत गुन्हेगार शरद मोहोळ खून प्रकरणातील धक्कादायक माहिती : मोहोळवर गोळीबार करून पळून चाललेल्या आरोपींना ‘याने’ पुरवले सीमकार्ड अन् पैसे
pune police sharad mohol murder case recording clips gangster crime
पुणे : शरद मोहोळ खून प्रकरणातील सहा रेकॉर्डिंग क्लिप पोलिसांच्या हाती…‘हा’ गुंड झाला गजाआड

सीसीटीव्ही फुटेजमध्ये पोलिसांना काय दिसलं?

सीसीटीव्ही फुटेजनुसार ती काही वेळ प्लॅटफॉर्मवर थांबली होती. यादरम्यान ती तिच्या विचारात मग्न दिसली. ६.१० ची जलद सीएसएमटी लोकल मुलुंड स्थानकातील फलाट क्रमांक ४ वर येत होती. ट्रेन प्लॅटफॉर्मवर येताच ती रेल्वे रुळांवर उतरली. धक्कादायक म्हणजे, तिने घाईगडबडीत रेल्वे रुळावर उडी मारली नाही किंवा तिचा तोलही गेला. तर, ती अत्यंत शांतपणे रुळांवर उतरली आणि तेवढ्यात जलद लोकल तिच्या अंगावरून गेली, अशी माहिती पोलिसांनी दिली आहे. यामुळे तिचा जागीच मृत्यू झाला आहे.

आत्महत्येमागचं कारण काय?

अपघातानंतर तिचा मृतदेह राजावाडी रुग्णालयात पाठवण्यात आला आहे. तिच्या ट्युशन बॅगमधून मिळालेल्या तपशिलांच्या आधारे तिच्या कुटुंबियांशी पोलिसांनी संपर्क सांगून घडलेली माहिती सांगितली. तिच्या पालकांसाठी ही घटना अत्यंत धक्कादायक होती. कारण, आत्महत्या करण्यास प्रवृत्त करणारी कोणतीही घटना तिच्या आयुष्यात घडलेली नाही. तसंच, तिच्या बोलण्या-वागण्यातूनही काही जाणवलं नसल्याचं त्यांनी पोलिसांना सांगितलं.

पोलीस लवकरच मुलीच्या शाळा आणि शिकवणी कर्मचारी आणि मैत्रिणींशी बोलून या आत्महत्येमागचं कारण शोधणार आहेत. याप्रकरणी अपघाती मृत्यूची नोंद करण्यात आली आहे.

Latest Comment
View All Comments
Post Comment

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Mumbai crime 13 year old girl leaves home for tuition jumps in front of train sgk

First published on: 08-10-2023 at 08:03 IST

आजचा ई-पेपर : मुंबई

वाचा
epaper image

संबंधित बातम्या

तुम्ही या बातम्या वाचल्या आहेत का? ×