मुंबई : म्हाडाच्या मुंबई मंडळाने मुंबईतील विविध ठिकाणच्या ७१३ दुकानांची विक्री करण्याचा निर्णय घेतला आहे. या दुकानांच्या ई – लिलावाची प्रक्रिया सुरू असून प्रस्तावित वेळापत्रकानुसार २० मार्च रोजी दुकानांचा ई – लिलाव होणार होता. मात्र मुंबई मंडळाने नोंदणी, अर्ज भरण्याच्या प्रक्रियेस १ एप्रिलपर्यंत मुदतवाढ दिली आहे. त्यामुळे दुकानांचा ई – लिलाव आता २० मार्चऐवजी ५ एप्रिल रोजी होणार आहे.

दरम्यान, या दुकानांच्या ई – लिलावाला चांगला प्रतिसाद मिळत असून दुकानांच्या ई-लिलावासाठी आतापर्यंत २७५ जणांनी अनामत रक्कमेसह अर्ज सादर केले आहेत.

lokmanas
लोकमानस: मतदान-संख्या आयोगाच्या ‘प्रक्रिया वेळा’वर ठरते?
Legal Drinking Age, Legal Drinking Age in Bars and Pubs, Confusion Over Legal Drinking Age, pune Porsche car accident,
मद्याप्राशनाचे नेमके वय किती? नियमाच्या माहितीअभावी संभ्रम
decision to investigate the incident of the collapse of an iron tower erected for a parking lot in Wadala
मुंबई : वडाळा दुर्घटनेच्या चौकशीचा निर्णय
Risk of rain with strong winds how safe is a roof top restaurant Nagpur
वादळी वाऱ्यासह पावसाचा धोका, ‘रुफ टॉप रेस्टॉरन्ट’किती सुरक्षित ?
mumbai ban on sale of liquor
मद्यविक्री बंदीचा आदेश मतमोजणीच्या निकालापर्यंतच लागू, ठाणे जिल्हाधिकाऱ्यांच्या मद्यविक्री बंदीच्या आदेशात उच्च न्यायालयाकडून सुधारणा
Sangli, village water,
सांगली : गावच्या पाण्याची चोरी, गुन्हा दाखल
Municipal Commissioner Bhushan Gagrani ordered to speed up process of auctioning seized goods of defaulters
थकबाकीदारांच्या जप्त वस्तूंच्या लिलावाच्या प्रक्रियेस वेग द्यावा, महानगरपालिका आयुक्त भूषण गगराणी यांचे आदेश
N M Joshi Marg BDD Chal Redevelopment Lottery cancelled due to absence of residents
ना. म. जोशी मार्ग बीडीडी चाळ पुनर्विकास: रहिवाशांच्या अनुपस्थितीमुळे सोडत रद्द

हेही वाचा – दादरमधील महिलेने अटल सेतूवरून उडी मारली

म्हाडाने रहिवाशांची गरज लक्षात घेऊन गृहनिर्माण प्रकल्पात काही दुकानेही बांधली आहेत. या दुकानांची विक्री ई-लिलाव पद्धतीने म्हाडाकडून केली जाते. दुकानांसाठी म्हाडाकडून निश्चित बोली लावली जाते आणि त्यापेक्षा अधिक बोली लावणाऱ्याला दुकान वितरीत केले जाते.

अशाप्रकारे आतापर्यंत मुंबईतील शेकडो दुकानांचा ई – लिलाव करण्यात आला आहे. परडवणाऱ्या दरात दुकान घेता येत असल्याने या ई-लिलावाला चांगला प्रतिसादही मिळतो. आता अनेक वर्षांनंतर जाहिर करण्यात आलेल्या १७३ दुकानांच्या ई-लिलावालाही चांगला प्रतिसाद मिळत आहे. आतापर्यंत एक हजार इच्छुकांनी यासाठी नोंदणी केली असून अंदाजे ५०० जणांनी अर्ज भरले आहेत. यापैकी २७५ अर्जदारांनी अनामत रक्कमेसह अर्ज दाखल केल्याची माहिती मंडळातील वरिष्ठ अधिकाऱ्याने दिली.

हेही वाचा – सासू-सासऱ्यांसाठी विवाहितेला बेघर करणे अयोग्य, उच्च न्यायालयाचा निर्वाळा; ज्येष्ठ नागरिक कायद्याचा गैरवापर टाळा!

म्हाडाच्या प्रस्तावित वेळापत्रकानुसार २० मार्च रोजी दुकानांचा ई लिलाव होणार होता. मात्र अधिकाधिक इच्छुकांना ई लिलावात सहभागी होता यावे यासाठी मुंबई मंडळाने ई- लिलावाची नोंदणी, अर्ज भरण्याच्या प्रक्रियेस १ एप्रिलपर्यंत मुदतवाढ दिली आहे.

हेही वाचा – साताऱ्यात उदयनराजे यांना महायुतीतूनच विरोध

याआधी १४ मार्च रोजी ही प्रक्रिया संपुष्टात येणार होती. पण आता मुदतवाढ दिल्याने १ एप्रिलपर्यंत इच्छुकांना अर्ज भरून दुकानांच्या ई – लिलावात सहभागी होता येणार आहे. तर ५ एप्रिलला ई- लिलावाचा निकाल जाहिर केला जाणार आहे. दरम्यान या ई – लिलावातून मुंबई मंडळाला १२५ कोटी रुपये महसुलाची अपेक्षा आहे.