मुंबई : एका मेसेजमुळे उलगडले हत्येचे रहस्य, मालाडच्या हॉटेलमध्ये व्यापाऱ्याचा मृतदेह

‘मी आत्महत्या करत असून त्याला माझी पत्नी जबाबदार आहे..’ असे या मेसेजमध्ये लिहिलेेले होते. हा मेसेज पाहून मन्सुरी याच्या मुलाने त्वरीत नया नगर पोलीस ठाण्यात धाव घेतली. पोलिसांनी त्याच्या मोबाईल लोकेशनवरून त्याचा पत्ता शोधला. मालाडच्या शालीमार हॉटेलमधील एका खोलीत मन्सुरी याचा मृतदेह आढळळा होता. त्याचा मृतदेह पलंगावर अर्धनग्न अवस्थेत पडलेला होता. मन्सुरी याने आत्महत्येपूर्वी पाठवलेला मेसेज इंग्रजीत होता. एरवी तो कधीही इंग्रजीत मेसेज करत नसे. त्यामुळे पोलिसांना संशय आला होता. त्याचा मृतदेह शवविच्छेदनानासाठी पाठविण्यात आला होता. शवविच्छेदन अहवालात मन्सुरी याचा मृत्यू गळा दाबून झाल्याचे स्पष्ट झाले. पध्दतशीर योजना आणि थंड डोक्याने हत्या

मन्सुरीची हत्या कुणी आणि का केली त्याचा पोलिसांनी शोध सुरू केला. मन्सुरी आदल्या दिवशी या हॉटेलमध्ये एका महिलेसबोत आला होता. हॉटेलच्या खोलीत एण्ट्री करण्यासाठी दोघांचे आधारकार्ड आवश्यक असतात. पोलिसांनी ते तपासले असता एक आधारकार्ड मन्सुरीचे तर दुसरे त्याच्या आईचे होते. मन्सुरीसोबत आलेल्या महिलेने चकमा देण्यासाठी आपल्या ऐवजी मन्सुरीच्या आईचे आधारकार्ड दिले होते. पोलिसांनी सीसीटीव्ही तपासले असता मन्सुरीसोबत आलेली महिला ही बुरख्यात होती. त्यामुळे या महिलेचा शोध घेण्याचे आव्हान पोलिसांपुढे होते.

दिंडोशी पोलिसांनी मन्सुरी याच्या मोबाईलचा सीडीआर, सीसीटीव्ही चित्रण आदींच्या आधारे तपास करून शोध घेण्यास सुरवात केली. तपास करत पोलीस राजस्थानमधील जयपूर येथे पोहोचले आणि बरकत राठोड या महिलेला ताब्यात घेतले. इंग्रजीतून मेसेज पाठविण्याची केली चूक.

दिंडोशी पोलिसांनी दिलेल्या माहितीनुसार, बरकत राठोड या महिलेचे मन्सुरी सोबत प्रेमसंबंध होते. दोघे एकमेकांचे नातेवाईक होते. दोन वर्षांपूर्वी बरकतच्या पतीला या दोघांच्या अनैतिक संबंधाबाबत माहिती मिळाली होती. त्यामुळे तिच्या पतीने तिला सोडून दिले होते. परंतु बरकत आणि मन्सुरी यांचे प्रेमसंबंध सुरूच होते.

दरम्यान दोघांमध्ये वाद सुरू झाला आणि तिने मन्सुरीचा काटा काढण्याचे ठरवले. ती शनिवारी रात्री राजस्थानवरून मन्सुरीला भेटायला मुंबईत आली. शनिवारची रात्र दोघांनी मालाडच्या शालीमार हॉटेलमध्ये काढली. रविवारी तिने मन्सुरीचा गळा दाबून हत्या केली. यानंतर मन्सुरीच्याच मोबाईलमधून त्याच्या पत्नीला मेसेज पाठवून आत्महत्या करत असल्याचे भासवले. मात्र तिने मेसेज इंग्रजीतून पाठवल्यामुळे पोलिसांना सशंय आला आणि बरकत पोलिसांच्या रडारवर आली. तिने हत्या का केली याचा आम्ही तपास करत आहोत अशी माहिती दिंडोशी पोलीस ठाण्याचे वरिष्ठ पोलीस निरीक्षक अजय आफळे यांनी दिली. सहाय्यक पोलीस निरीक्षक ओम तोटवार आणि त्यांच्या पथकाने या हत्येचा छडा लावला.