मुंबई : पावसाळ्यात रेल्वे रुळावर पाणी साचून रेल्वे सेवा ठप्प होऊ नये म्हणून हाती घेतलेल्या पावसाळापूर्व कामांचा आढावा घेण्यासाठी मुंबई महानगरपालिकेचे अधिकारी आणि रेल्वेच्या अधिकाऱ्यांनी शनिवारी संयुक्त पाहणी केली. शहर भागातील परिमंडळ १ अंतर्गत येणाऱ्या मध्य आणि पश्चिम रेल्वेची स्थानके, तसेच परिसर आणि विभाग कार्यालयातील तयारीची अधिकाऱ्यांनी पाहणी केली.

पावसाळ्यात अतिवृष्टी झाली की रेल्वे रुळांवर पाणी साचून लोकल सेवा ठप्प होते. अशी वेळ पावसाळ्यात येऊ नये म्हणून पालिका प्रशासनाने यंदा विशेष काळजी घेतली आहे. शहर भागातील मध्य रेल्वे मार्गावरील स्थानके सखलभागात असल्यामुळे या ठिकाणी पाणी साचते. त्यामुळे या भागात विशेष काळजी घ्यावी लागते. या दृष्टीने महानगरपालिकेच्या परिमंडळ १ च्या उपआयुक्त डॉ. संगीता हसनाळे आणि रेल्वे अधिकाऱ्यांनी शनिवारी पश्चिम आणि मध्य रेल्वे स्थानकांची पाहणी केली. पावसाळा सुरू होण्यापूर्वी नाल्यातून काढलेला गाळ, तसेच राडारोडा उचलणे, यासह आपत्कालीन नियंत्रण कक्ष सज्ज ठेवण्याच्या सूचना उपायुक्तांनी यावेळी यंत्रणांना दिल्या.

Giant billboards up despite notice Central and Western Railway Administrations ignore municipal rules
नोटीशीनंतरही महाकाय जाहिरात फलक कायम; पालिकेच्या नियमावलीस मध्य, पश्चिम रेल्वे प्रशासनाचा हरताळ
Mumbai, unauthorized boards,
मुंबई : अनधिकृत फलक हटवण्यास सुरुवात, महानगरपालिकेकडून मध्य व पश्चिम रेल्वेला आपत्ती व्यवस्थापन अधिनियम २००५ अंतर्गत नोटीस
giant billboards, railway,
रेल्वेच्या हद्दीतील ९९ महाकाय जाहिरात फलक तात्काळ हटवा, आपात्कालीन व्यवस्थापन कायद्यांतर्गत पालिकेची रेल्वेला नोटीस
Due to malfunction in the signal system between Asangaon and Gaon station the train service was stopped for four and a half hours
सिग्नल यंत्रणेत बिघाड; साडेचार तास रेल्वेसेवा ठप्प; आसनगाव-आटगाव स्थानकादरम्यानची घटना
Dombivli railway Reservation center, Dombivli station, railway foot over bridge work
रेल्वे पुलाच्या कामासाठी डोंबिवली फलाट एकवरील आरक्षण केंद्र कल्याण बाजुला
Special trains will run from Panvel to Margaon and Sawantwadi
मुंबई : पनवेल ते मडगाव, सावंतवाडी विशेष रेल्वेगाड्या धावणार
Megablock, Central Railway,
रविवारी मध्य रेल्वेवर मेगाब्लॉक
mumbai, Khar subway, bridge on the Khar subway , residents opposed proposed bridge, residents near khar, residents of khar subway, khar subway news, mumbai news,
मुंबई : खार भुयारी मार्गावरील प्रस्तावित पुलाला स्थानिकांचा वाढता विरोध, निवासी भागातील पुलाच्या अरेखनाला विरोध

हेही वाचा…वांद्रे परिसरातील सरकारी कार्यालयाला आग

महानगरपालिका आयुक्त तथा प्रशासक भूषण गगराणी यांनी नुकतीच पावसाळा पूर्वतयारीच्या कामांचा आढावा घेण्यासाठी बैठक आयोजित केली होती. या बैठकीत रेल्वे प्रशासनातर्फे पश्चिम रेल्वे मार्गावरील मुंबई सेंट्रल, चर्नी रोड व ग्रँट रोड तसेच मध्य रेल्वे मार्गावरील सँडहर्स्ट रोड रेल्वे स्थानकांबाबत काही मुद्दे उपस्थित करण्यात आले होते. या मुद्द्यांचा निपटारा करण्याच्या अनुषंगाने डॉ. संगीता हसनाळे यांनी रेल्वे स्थानकांची पाहणी केली.

दरवर्षी पावसाळ्यात पाणी साचत असलेल्या सँडहर्स्ट रोड स्थानकाची पाहणी करण्यात आली. यावेळी बी विभागाचे सहायक आयुक्त उद्वव चंदनशिवे, सँडहर्स्ट रेल्वे स्थानकाचे व्यवस्थापक विनायक शेवाळे, तसेच बी विभागातील विविध खात्यांचे प्रमुख उपस्थित होते.

हेही वाचा…पुनर्मूल्यांकन अर्जांचा गोंधळ: मुंबई विद्यापीठाच्या विधि शाखेच्या नवव्या सत्राचे विद्यार्थी संभ्रमात

सँडहर्स्ट रोड रेल्वे रुळालगत असलेल्या इमारतीची पाहणी करून पावसाळ्याच्या दृष्टीने योग्य उपाययोजना कराव्यात; तसेच रेल्वेअंतर्गत असलेल्या ठिकाणी गाळ, कचरा, राडारोडा उचलण्यात यावा; नियमितपणे नाले स्वच्छता करावी, असे निर्देश उपायुक्त डॉ. हसनाळे यांनी दिले. त्यानंतर, बी विभाग आपत्कालीन नियंत्रण कक्षास प्रत्यक्ष भेट देऊन तेथील यंत्रणेचा देखील त्यांनी आढावा घेतला. हॉट लाईनवरून मुख्य कार्यालयाशी स्वतः संपर्क साधून यंत्रणा योग्य रितीने कार्यान्वित असल्याची त्यांनी खात्री केली.