मुंबई : कांदिवली पश्चिम येथील मथुरादास रोडवरील हंसा हेरिटेज या १५ मजली इमारतीच्या १४ व्या मजल्यावर शनिवारी रात्री भीषण आग लागली. या आगीत अडकलेल्या ७ जणांना सुखरूप बाहेर काढण्यात अग्निशमन दलाला यश आले. मात्र आगीत होरपळून गंभीर जखमी झालेल्या महिलेसह दोघांचा उपचारादरम्यान मृत्यू झाला. मृत्यूप्रकरणी कांदिवली पोलिसांनी अपमृत्यूची नोंद केली आहे. इमारतीच्या १४ मजल्यावरील एका घरामध्ये ही आग लागली. आग क्षणात भडकली. यात दोन जण होरपळून गंभीर जखमी झाले होते. उपचारादरम्यान त्यांचा मृत्यू झाला.
