‘आयडॉल’च्या आज होणाऱ्या परीक्षा रद्द, रत्नागिरी व सिंधुदुर्ग जिल्ह्यात होणाऱ्या परीक्षा पुढे ढकलल्या, सुधारित तारखा लवकरच जाहीर होणार

मुंबई : कोकणात अतिवृष्टीमुळे सर्व शाळा व महाविद्यालयांना सुट्टी जाहीर करण्यात आली आहे. या पार्श्वभूमीवर मुंबई विद्यापीठाच्या दूरस्थ आणि ऑनलाईन शिक्षण केंद्राने (‘सीडीओई’ पूर्वीचे ‘आयडॉल’) आज सोमवार, १५ जुलै रोजी सकाळी आणि दुपारच्या सत्रात रत्नागिरी व सिंधुदुर्ग जिल्ह्यात होणाऱ्या सर्व परीक्षा पुढे ढकलण्याचा निर्णय घेतला आहे. या सर्व परीक्षांच्या सुधारित तारखा लवकरच जाहीर केल्या जाणार आहेत, असे ‘आयडॉल’कडून स्पष्ट करण्यात आले.