मुंबईतील महिलेने १०० कोटींची मालमत्ता भावंडांच्या नकळत विकली! चाळीतील भाडेकरू व विकासकालाही चुना

पोलिसांनी सांगितले की, या प्रकरणातील तक्रारदार हा आबिदाचा चुलत भाऊ अयाज कपाडिया आहे. अयाज कपाडिया यांचे दिवंगत वडील जाफर कपाडिया आणि त्यांचा भाऊ लतीफ कपाडिया यांच्या नावावर मालमत्तेतील मोठा भाग आहे. भाड्याने दिलेल्या जागा (झिया मासूम चाळ, भैया चपरा चाळ आणि इराणी चाळ) अनेक भाडेकरू आहेत जे नियमितपणे लतीफच्या कुटुंबाला मासिक भाडे देत आहेत आणि लतीफचा मोठा मुलगा अझीझ या मालमत्तेची देखभाल करत होता. “लतीफला अजिज, रहीम, अमिना, आबिदा आणि मलिक असे तीन भाऊ आणि दोन बहिणी आहेत. दुसरीकडे, जाफरच्या पश्चात फरजाना, रुक्शाना, रेहाना, अमीन, अन्वर, मेहजबीन आणि अयाज असं मोठं कुटुंब आहे. “

यापैकी लतीफ आणि त्याच्या कुटुंबाने बिग ट्री डेव्हलपर्सला सदर जागा विकताना आपल्याकडे शंभर टक्के मालकी असल्याचे खोटे सांगितले होते व त्यानुसारच चुकीचा करार करण्यात आला होता. यामध्ये लतीफने तक्रारदारांसह डेव्हलपर्सची सुद्धा फसवणूक केली आहे, असा आरोप अयाजने केला आहे.

पोलिसांनी सांगितले की, अमिना, ज्यांच्याकडे तिच्या भावांची पॉवर ऑफ अॅटर्नी आहे आणि तिने कागदपत्रांवर स्वाक्षरी केली आहे. या व्यवहारात तिला ३. ५ कोटी रुपये व नवीन इमारतींमध्ये दोन फ्लॅटचे आश्वासन देण्यात आले होते. कराराची रक्कम काय होती हे स्पष्ट झाले नाही, परंतु पोलिसांनी तीन मालमत्तांची अंदाजे किंमत ५० कोटी रुपये मोजली आहे.

हे ही वाचा<< २७ ऑक्टोबरपासून मुंबई लोकलने प्रवास करणाऱ्यांचा त्रास वाढणार! अकरा दिवस २५०० हुन अधिक ट्रेनच्या फेऱ्या रद्द

प्राथमिक तपासात असे समजले की, अमिना आणि तिचे दोन भाऊ रहीम आणि मलिक यांना पैशांची गरज होती, त्यामुळे त्यांनी विकासकासह गुपचूप करार करण्याचा कट रचला. पोलिसांनी सांगितले की, आरोपींनी यापूर्वी हीच मालमत्ता दुसर्‍या विकसकाला विकण्याचा प्रयत्न केला होता, परंतु करार यशस्वी झाला नाही. सध्या हे प्रकरण उच्च न्यायालयात प्रलंबित आहे.