मुंबई : मध्य रेल्वे आणि हार्बर मार्गावरील विविध अभियांत्रिकी आणि देखभालीच्या कामांकरीता उपनगरीय विभागांत मेगाब्लॉक घेण्यात आला आहे. मध्य रेल्वे आणि हार्बर मार्गावर रविवारी ब्लॉक असेल. पश्चिम रेल्वेवर रविवारी कोणताही ब्लॉक नसेल.
मध्य रेल्वे
कुठे : माटुंगा ते मुलुंड अप आणि डाऊन जलद मार्गावर
कधी : सकाळी ११.०५ ते दुपारी ३.५५ पर्यंत
परिणाम : ब्लॉक कालावधीत सीएसएमटी येथून डाऊन जलद मार्गावरील लोकल सेवा माटुंगा आणि मुलुंड स्थानकांदरम्यान डाऊन धीम्या मार्गावर वळवण्यात येतील. त्यांच्या संबंधित नियोजित थांब्यांवर थांबतील. ठाण्याच्या पुढे या जलद लो डाऊन जलद मार्गावर वळवण्यात येतील. ठाणे येथून अप जलद मार्गावरील लोकल सेवा मुलुंड आणि माटुंगा दरम्यान अप धीम्या मार्गावर वळवण्यात येऊन सर्व संबंधित स्थानकावर थांबतील. त्यानंतर अप जलद मार्गावर पुन्हा वळवण्यात येतील.
हेही वाचा >>>मुंबईत ऑगस्टमध्ये सरासरीपेक्षा कमी पाऊस, तरीही पाण्याची चिंता नाही; कारण…
हार्बर मार्ग
कुठे : मानखुर्द-नेरुळ अप आणि डाऊन
कधी : सकाळी ११.१५ ते सायंकाळी ४.१५.
परिणाम : सीएसएमटी ते पनवेल, बेलापूरसाठी सुटणाऱ्या डाऊन लोकल सेवा आणि बेलापूरहून सीएसएमटीसाठी सुटणाऱ्या अप लोकल सेवा रद्द राहतील. ब्लॉक कालावधीत सीएसएमटी ते मानखुर्द या दरम्यान विशेष लोकल चालविण्यात येतील. ब्लॉक कालावधीत ठाणे-वाशी, नेरुळ स्थानकांवरील ट्रान्सहार्बर मार्गावरील लोकल सेवा प्रवाशांसाठी उपलब्ध असेल.
