‘मेट्रो ७’ आणि ‘मेट्रो २ अ’ मार्गिकांवरील सेवाही विस्कळीत

एमएमआरडीएने तांत्रिक बिघाडामुळे वाहतूक सेवेवर काहीसा परिणाम झाल्याचे सांगितले. प्रवाशांनी मात्र समाज माध्यमावर ताशेरे ओढत मेट्रो सेवेवर टीका केली आहे. काही वेळ नव्हे तर तासाभराहून अधिक काळ मेट्रो सेवा विस्कळीत होती. मेट्रो गाड्या २०-२० मिनिटे विलंबाने धावत होत्या. बऱ्याच वेळानंतर मेट्रोची वाहतूक सुरळीत झाल्याचे प्रवाशांनी सांगितले. तर ‘मेट्रो २ अ’, ‘मेट्रो ७’चे संचलन करणाऱ्या महा मुंबई मेट्रो संचलन महामंडळाकडून (एमएमएमओसीएल) कोणतीही ठोस माहिती देण्यात येत नसल्याने प्रवाशांनी समाजमाध्यमांवर तीव्र नाराजी व्यक्त केली.