शिंदे गटातील दोन बड्या नेत्यांचे एकमेकांवर गंभीर आरोप, ठाकरे गटाची प्रतिक्रिया, म्हणाले, “गद्दारीचे वाभाडे…”

अनिल परब म्हणाले, “गजानन कीर्तीकर आणि रामदास कदम या दोन ज्येष्ठ नेत्यांनी उद्धव ठाकरेंची साथ सोडून एकनाथ शिंदेची कास धरली. ते दोघे ज्येष्ठ नेते आहेत आणि तरीही हे ज्येष्ठ नेते आज एका लोकसभेच्या जागेवरून एकमेकांश भांडत आहेत. ते दोघेही एकमेकांचे वाभाडे काढत आहेत. कीर्तीकरांनी एक पत्रक काढलं, रामदास कदमांनी आज मुलाखत दिली. तसेच कोण गद्दार आहे, कोण सरस आहे याचे पाढे वाचत आहेत.”

आणखी वाचा

Mallikarjun Kharge : भाषण करताना बिघडली मल्लिकार्जुन खरगेंची प्रकृती, पक्षाचे कार्यकर्ते हात धरुन घेऊन गेले

Bigg Boss Marathi 5: सर्व एलिमिनेटेड सदस्यांची घरात…

भाजपच्या आजच्या पिढीने दीनदयाळजींचे गुण अंगीकारावेत; सरसंघचालक मोहन भागवत यांचे आवाहन

नव्यांचे लाड करताना जुन्या कार्यकर्त्यांनाही संधी द्या! भाजप नेत्यांची नेतृत्वाकडे मागणी

डोंबिवलीतील शिंदे गटातील युवा नेत्याला इशारा, बंडखोरांकडे दुर्लक्ष करून महायुतीचे काम जोमाने करा, श्रीकांत शिंदे यांचा सल्ला

Laxman Hake : “शरद पवार हे महाजातीयवादी नेते”, आरक्षणाच्या मुद्द्यावरून लक्ष्मण हाके यांची टीका; म्हणाले, “पवार कुटुंबातील व्यक्ती…”

आतिशी सिंग स्वतःचा ठसा उमटवतील की वरिष्ठांच्या चौकटीत राहतील?

Supriya Sule : “राज्यात काँग्रेसचा मुख्यमंत्री होईल”, बाळासाहेब थोरातांच्या विधानावर सुप्रिया सुळेंची एका वाक्यात प्रतिक्रिया; म्हणाल्या…

“बाळासाहेब ठाकरे जीवंत असताना शिवसेनेचे उमेदवार पाडापाडीचं काम”

“या दोन्ही नेत्यांनी उद्धव ठाकरेंची साथ सोडली आणि कारण देताना उद्धव ठाकरेंनी राष्ट्रवादी काँग्रेसबरोबर सरकार स्थापन केल्याचा आरोप केला. तसेच बाळासाहेब ठाकरेंचे विचार घेऊन ते शिंदे गटात गेल्याचा दावा करण्यात आला. आता ते ज्या गद्दारीचे वाभाडे काढत आहेत ते बाळासाहेब ठाकरेंच्या काळातील आहेत. बाळासाहेब ठाकरे जीवंत असताना हे नेते शिवसेनेचे उमेदवार पाडापाडीचं काम करून बाळासाहेबांच्या पाठीत किती खंजीर खुपसत होते हे यावरून उघड झालं,” असा आरोप अनिल परब यांनी केला.

“बाळासाहेबांनी शिवसेनेचे उमेदवार पाडण्यास सांगितलं होतं का?”

अनिल परब म्हणाले, “उद्धव ठाकरे वाईट होते म्हणून त्यांना सोडल्याचा दावा या नेत्यांनी केला होता. तसेच ते बाळासाहेब ठाकरेंच्या विचाराचे असल्याचाही दावा केला होता. बाळासाहेबांनी त्यांना शिवसेनेचे उमेदवार पाडण्यास सांगितलं होतं का? गजानन कीर्तीकरांनी दिलेल्या माहितीनुसार, रामदास कदम यांनी अनंत गीते यांना पाडण्याचं काम केलं. रामदास कदम यांनी त्यांना स्वतःला पाडण्याचं काम केल्याचा आरोप करत आहेत.”

हेही वाचा : “भ्रमिष्ट, गद्दार, बेईमान अन्…”; गजानन कीर्तिकरांवर टीका करताना रामदास कदमांची जीभ घसरली

“ही जागा दोघांच्या भांडणात भाजपा स्वतःकडे घेईल”

“यांनी बाळासाहेब ठाकरे जीवंत असताना त्यांच्याशी गद्दारी केली. त्यांना आज आम्ही गद्दार म्हटल्यावर राग येतो. मात्र, ते आज जे एकमेकांचे वाभाडे काढत आहेत ते त्यावेळचे आहेत. हे कितीही या जागेसाठी भांडले, तरी ही जागा दोघांच्या भांडणात भाजपा स्वतःकडे घेईल. भाजपा यांना कोणतीही जागा देणार नाही,” असा दावा अनिल परब यांनी केला.