आर्यन खान ड्रग प्रकरणी एनसीबी अधिकारी समीर वानखेडे यांच्यावर आरोप करणारे महाराष्ट्राचे मंत्री आणि राष्ट्रवादीचे नेते नवाब मलिक यांनी पत्रकार परिषद घेऊन या प्रकरणातील अनेक खुलासे समोर आणले आहेत. भारतीय जनता युवा मोर्चाचे माजी अध्यक्ष मोहित कंम्बोज यांच्यावर आर्यन खानच्या अपहरणाचा आरोप नवाब मलिक यांनी केला आहे. तो या प्रकरणाचा सूत्रधार असून समीर हा वानखेडेंचा साथीदार आहे. एवढेच नाही तर नवाब मलिक यांनी सुनील पाटील आणि राष्ट्रवादी यांच्यातील संबंधांचे आरोप फेटाळून लावत पाटील यांचा राष्ट्रवादीशी कोणताही संबंध नाही किंवा त्यांची कधी भेटही झाली नसल्याचे सांगितले. त्यांनी समीर वानखेडे यांना एनसीबीच्या चांडाळ चौकडीचा सदस्य म्हणत बडतर्फ करण्याची मागणी केली.
कंम्बोज हे खोटारडे असून ते दीड वर्ष पक्षात नसल्याचे सांगत आहेत, मग अशा लोकांनी भाजपाचा बचाव करू नये असे मलिक म्हणाले. नवाब मलिक यांनी चार एनसीबीच्या अधिकार्‍यांना चांडाल चौकडी असल्याचे म्हटले. एनसीबीचे झोनल डायरेक्टर समीर वानखेडे, आशिष रंजन, व्ही.व्ही. सिंग आणि एनसीबी अधिकारी माने यांचा ड्रायव्हर, हे चौघे एनसीबीची चांडाल चौकडी असल्याचे सांगितले. या चौघांना एनसीबीने काढून टाकण्याची मागणी त्यांनी केली.
“पीडितांना घाबरवण्याचा आणि धमकवण्याचा प्रयत्न करु नये. सत्याची लढाई पुढे घेऊन जात आहोत, पैसे दिल्यामुळे तुला आरोपी बनवू, अशी धमकी शाहरुख खानला देण्यात आली आहे. पीडित कधी आरोपी नसतो. शाहरुख खानला पहिल्या दिवसापासून घाबरवण्यात येते होते. जर नवाब मलिकांनी बोलणे बंद केले नाही तर तुझा मुलगा भरपूर वेळ आता राहिल. पूजा ददलानीचे प्रकरण समोर आले आहे. मुलासाठी खंडणी दिली म्हणजे गुन्हेगार होत नाही. समोर यावे आणि सत्य सांगावे. सर्व पीडितांनी पुढे येऊन मला पाठिंबा द्यावा,” असे नवाब मलिकांनी यावेळी म्हटले. दरम्यान, वानखेडे यांची खासगी फौज सक्रिय आहे, ते महिलांनाही धमकावतात, असा आरोप मलिक यांनी केला आहे.
लोकसत्ता आता टेलीग्रामवर आहे. आमचं चॅनेल 
