बंदोबस्तासाठी तैनात दोन पोलिसांना मोटारगाडीची धडक… एकाचा मृत्यू, महिला पोलीस जखमी

कुंभार व पाटील दोघेही वरळी परिसरात मंगळवारी सकाळी बंदोबस्तासाठी तैनात होते. वरळी-वांद्रे सागरी सेतू आणि सागरी किनारा मार्गाजवळ सकाळी ७.४५ च्या सुमारास हा भीषण अपघात झाल्याचे सूत्रांनी सांगितले. या अपघातानंतर हवालदार कुंभार यांचा उपचारादरम्यान मृत्यू झाला. तर पाटील यांच्यावर रुग्णालयात उपचार सुरू आहेत. दोघेही वरळी पोलीस ठाण्यात कार्यरत होते.

कुभार आणि पाटील यांना धडक देणाऱ्या मोटारगाडीचा चालक रामचंद्र राणे याला पोलिसांनी ताब्यात घेण्यात आले असून याप्रकरणी गुन्हा दाखल करण्याची प्रक्रिया सुरू आहे. त्यानंतर पुढील कारवाई करण्यात येईल. चालकाची वैद्यकीय तपासणीही करण्यात येणार असल्याचे अधिकाऱ्याने सांगितले. तसेच राणेची ‘ग्रँड आय १०’ मोटारगाडीही ताब्यात घेण्यात आली आहे.