पश्चिम रेल्वे मार्गावर चर्चगेटच्या दिशेने येणारी विस्कळीत झालेली वाहतूक पर्ववत झाली आहे. कांदिवली आणि बोरीवली स्थानकादरम्यान तांत्रिक बिघाडामुळे गुरूवारी सकाळी चर्चगेटच्या दिशेने येणारी वाहतूक विस्कळीत झाली होती. लोकल गाड्या १० ते १५ मिनिटे उशीराने सुरू होत्या. ऐन गर्दीच्या वेळी लोकल सेवा विस्कळीत झाल्याने चाकरमान्यांना प्रवासात अडचणींचा सामना करावा लागला. त्यानंतर वाहतूक विस्कळीत झाल्याच्या तासाभरानंतर ती पूर्ववत करण्यात रेल्वे प्रशासनाला यश आले.