18 September 2020

News Flash

विदर्भात गारपिटीची शक्यता; शेतकरी चिंतीत

दरवर्षी या कालावधीत अशीच स्थिती निर्माण होते.

विदर्भात दोन दिवसांपासून ढगाळ वातावरण असून, येत्या दोन दिवसात मोठय़ा थेंबांचा पाऊस किंवा गारपीट होण्याचा अंदाज हवामान खात्याने वर्तवला आहे. हे वातावरण येत्या १५ दिवसापर्यंत असेच कायम राहू शकते, असेही हवामान अभ्यासकांनी सांगितल्याने धान उत्पादक शेतकऱ्यांसह फळबाग शेतकरीही धास्तावले आहेत. सूर्याचे उत्तरायण सुरू असल्याने सूर्य जसजसा जवळ येत आहे, तसतसे तापमान वाढायला सुरुवात झाली आहे. तापमान वाढले की, हवेतील थंड वाऱ्याशी त्यांचा संयोग होऊन ढग तयार होतात. हिवाळ्याच्या अखेरीस आणि उन्हाळ्याच्या सुरुवातीला दरवर्षी जानेवारी-फेब्रुवारीत अशी स्थिती कायम असते. त्यामुळे या कालावधीत वादळी पाऊस ठरलेला आहे. थंडीमुळे ढग खाली आणि ढगांखाली बर्फ तयार होतो. जमिनीपासून हे अंतर कमी असल्याने बर्फ पडण्याची शक्यता अधिक असते. तापमान जेथे जेथे वाढते तेथे तेथे वातावरणातील गार वारे संपर्कात आल्याने ढग तयार होऊन मोठय़ा थेंबांचा पाऊस पडतो. दरवर्षी या कालावधीत अशीच स्थिती निर्माण होते. त्यामुळे येत्या १५ दिवस हे वातावरण कायम राहील, असाही अंदाज व्यक्त करण्यात आला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 17, 2016 1:22 am

Web Title: possible falling hailstorm in vidarbha
टॅग Hailstorm
Next Stories
1 नभ पतंगांनी व्यापले, शहरात उत्सवी माहोल
2 विमानतळ सुरक्षेचा ‘एमएडीसी’चा दावा फोल
3 बुकींच्या पैशावर ‘डॉन’ची नजर
Just Now!
X