नागपुरात काँग्रेसचा अडबाले यांना पाठिंबा; शिक्षक मतदार संघ निवडणूक

बदललेल्या राजकीय परिस्थितीनुसार महाविकास आघाडीच्या जागावाटपात नागपूर शिक्षक मतदारसंघ काँग्रेसच्या वाटय़ाला आला आहे. येथे काँग्रेसतर्फे कोणीही उमेदवारी अर्ज दाखल केलेला नाही. त्यामुळे कोणत्यातरी अपक्ष उमेदवाराला पाठिंबा जाहीर करण्याशिवाय काँग्रेसकडे पर्याय नव्हता. अखेर अडबाले यांना काँग्रेसने पाठिंबा जाहीर केला आहे. माजी मंत्री सुनील केदार यांनी आज मंगळवारी याबाबतची घोषणा केली.सोमवारी शिवसेना ठाकरे गटाचे गंगाधर नाकाडे यांनी उमेदवारी अर्ज मागे घेतला. आघाडीतील घटक पक्ष असलेल्या राष्ट्रवादी काँग्रेसचे सतीश इटकेलवार यांनी मात्र बंडखोरी केली.