बीड, परभणीत रस्‍त्‍यावर गुंडागर्दी आणि खाकीतील… बच्चू कडूंनी थेटच…

या आंदोलनात माजी आमदार व प्रहार जनशक्ती पक्षाचे अध्यक्ष बच्चू कडू यांनी सहभाग घेतला. दरम्यान, बच्चू कडू यांनी राज्य सरकारवर सडकून टीका करत सरकारला आव्हान दिले. बच्चू कडू म्हणाले, सत्तेपुढे शहाणपणा चालत नाही अशी म्हण आपल्याकडे आहे. माझे मुख्यमंत्र्यांना आव्हान आहे की, ही म्हण खरी ठरायला नको असेल तर अतिशय स्वच्छपणे कारवाई झाली पाहिजे. कारवाई करायची नसेल तर स्पष्टपणे सांगितले पाहिजे की, होय ते आमचे गुंड आहेत. या दुर्देवी घटनांवर पारदर्शकपणे कारवाई होणे आवश्यक आहे. सत्य महत्त्वाचे असते, सत्ता महत्त्वाची नसते, हे लोकांना सांगणे गरजेचे आहे. नाहीतर याचे मोठे परिणाम उद्या सरकारला भोगावे लागतील, असा इशारा बच्चू कडू यांनी सरकारला दिला.

हेही वाचा…निविदा प्रक्रिया अनियमितता प्रकरणात न्यायालयाची नोटीस…आर्णीमध्ये…

बच्चू कडू यांनी आता थेट आंदोलनात उडी घेत मस्साजोग आणि बीड येथील घटनेवरून सरकारला लक्ष्य केले आहे. दुसरीकडे शेतकरी कर्जमाफी आणि मेंढपाळांना न्याय मिळवून देण्यासाठी आंदोलनाचा इशारा दिला आहे. बच्चू कडू हा पराभवाने खचून जाणारा नाही आणि हिंमतीनेही खचलो नाही, असे बच्चू कडू म्हणाले होते.

हेही वाचा…बीडमध्ये गुन्हेगारीचा भस्मासूर…शिंदेंच्या आमदाराने आपल्यास सरकारला…

े

बच्चू कडू यांचा विधानसभा निवडणुकीत धक्कादायक पराभव झाला. महाविकास आघाडी सरकारच्या काळात ते मंत्री होते. महायुती सरकारमध्ये सहभागी झाल्यानंतर त्यांचे मंत्रिपद गेले. महायुतीत असूनही त्यांनी विरोधी भूमिका घेत प्रहार पक्षातर्फे निवडणूक लढवली. निवडणुकीपूर्वी त्यांनी तिसरी आघाडी स्थापन केली होती, पण तिसऱ्या आघाडीचे आणि त्यांच्या प्रहार जनशक्ती पक्षाचे सर्वच उमेदवार पराभूत झाले. त्यामुळे आता बच्चू कडू कोणती भूमिका घेणार, याकडे सर्वांचे लक्ष लागले होते. कदाचित मी आंदोलक म्हणून लोकांना जास्त आवडत असावा, म्हणूनच त्यांनी आपल्याला यावेळी पराभूत केले असावे, असे ते मिश्किलपणे काही दिवसांपूर्वी म्हणाले होते.