अमेरिकेने भारतावर कर लादताच सोन्याच्या दरात चढउतार, आठवड्याच्या पहिल्याच दिवशी…

अमेरिकेचे राष्ट्राध्यक्ष डोनाल्ड ट्रम्प यांनी अमेरिकेकडून भारतावर लावण्यात येणारे एकूण आयातशुल्क ५० टक्क्यांवर नेले आहे. या भरमसाठ आयात शुल्कामुळे भारतातील सराफा व्यवसायिकांसह कारागिरांवर बेरोजगारीचे सावट असल्याचे ऑल इंडिया जेम ॲण्ड ज्वेलरी डोमेस्टिक कौन्सिल (जीजेसी)चे राजेश रोकडे यांचा दावा आहे. या करवाढीनंतर नागपुरातील सराफा बाजारात ९ ऑगस्ट २०२५ रोजी सकाळी ११ वाजता सोन्याचे दर विक्रमी उंचीवर पोहचल्याचे चित्र होते. नागपुरात ९ ऑगस्टला सकाळी ११ वाजता सोन्याचे दर २४ कॅरेटसाठी प्रति दहा ग्राम १ लाख १ हजार ४०० रुपये, २२ कॅरेटसाठी ९४ हजार ३०० रुपये, १८ कॅरेटसाठी ७९ हजार १०० रुपये, १४ कॅरेटसाठी ६५ हजार ९०० रुपये नोंदवले गेले. त्यानंतर दरात आणखी वाढीेच संकेत असतांनाच हे दर उलट कमी झाले.

दरम्यान ११ ऑगस्टला नागपुरात सराफा बाजार उघडताच सकाळी १० वाजता सोन्याचे दर घसरून २४ कॅरेटसाठी प्रति दहा ग्राम १ लाख ५०० रुपये, २२ कॅरेटसाठी ९३ हजार ५०० रुपये, १८ कॅरेटसाठी ७८ हजार ४०० रुपये, १४ कॅरेटसाठी ६५ हजार ३०० रुपये नोंदवले गेले. तर त्यानंतर एक तासांनी सकाळी ११ वाजता सोन्याचे दर २४ कॅरेटसाठी प्रति दहा ग्राम १ लाख ६०० रुपये, २२ कॅरेटसाठी ९३ हजार ६०० रुपये, १८ कॅरेटसाठी ७८ हजार ५०० रुपये, १४ कॅरेटसाठी ६५ हजार ४०० रुपये नोंदवले गेले. त्यामुळे ९ ऑगस्टच्या तुलनेत नागपुरात ११ ऑगस्टला सकाळी ११ वाजता सोन्याचे दर २४ कॅरेटसाठी प्रति दहा ग्राम ८०० रुपये, २२ कॅरेटसाठी ७०० रुपये, १८ कॅरेटसाठी ६०० रुपये, १४ कॅरेटसाठी ५०० रुपये घसरल्याचे दिसत आहे.

चांदीच्या दरातही बदल…

अमेरिकेचे राष्ट्राध्यक्ष डोनाल्ड ट्रम्प यांनी भारतावर ५० टक्के कर लादले नागपुरात ९ ऑगस्टला सकाळी चांदीचे दर प्रति किलो १ लाख १५ हजार ५०० रुपये होते. हे दर दोन दिवसांनी ११ ऑगस्टला सकाळी ११ वाजता प्रति किलो १ लाख १५ हजार २०० रुपये नोंदवले गेले. त्यामुळे ९ ऑगस्टच्या तुलनेत ११ ऑगस्टला चांदीच्या दरात केवळ २०० रुपये घट झाली.