महाराष्ट्रात मतचोरीचा पहिला प्रयोग नागपूर जिल्ह्यात, काँग्रेस प्रदेशाध्यक्ष थेटच म्हणाले…

नागपूर जिल्ह्यातील कामठी येथे आयोजित राज्यस्तरीय मेळाव्यात हर्षवर्धन सकपाळ बोलत होते. कार्यक्रमाला मोठ्या संख्येने काँग्रेस कार्यकर्ते व नागरिक उपस्थित होते.

vote theft maharashtra allegation, Kamptee election, Harshwardhan Sapkal allegations, BJP voter manipulation allegation, Congress protest Nagpur,

Harshwardhan sapkal : महाराष्ट्रात मतचोरीचा पहिला प्रयोग नागपूर जिल्ह्यात, काँग्रेस प्रदेशाध्यक्ष थेटच म्हणाले… (छायाचित्र सौजन्य - लोकसत्ता टीम/ग्राफिक्स)

नागपूर: देशात सध्या मतचोरीचा मुद्दा गंभीर बनला आहे. परंतु महाराष्ट्रात मत चोरीचा पहिला प्रयोग नागपूर जिल्यातील एका मतदारसंघातून सुरू झाला, असा गंभीर आरोप काँग्रेसचे प्रदेशाध्यक्ष हर्षवर्धन सपकाळ यांनी केला.

नागपूर जिल्ह्यातील कामठी येथे आयोजित राज्यस्तरीय मेळाव्यात ते बोलत होते. कार्यक्रमाला मोठ्या संख्येने काँग्रेस कार्यकर्ते व नागरिक उपस्थित होते. हर्षवर्धन सपकाळ पुढे म्हणाले, नागपूर जिल्यातील भाजप नेते चंद्रशेखर बावनकुळे प्रदेशाध्यक्ष असतांना कामठी मतदार संघात गाव- गावात मतचोरी केली गेली. येथे एकाच खोलीतून पाच- पाचशे नावे मतदारयादीत समाविष्ट केले गेले. त्यामुळे कामठीत मतचोरीकरून हा प्रयोग राज्यात सर्वत्र राबवल्या गेल्याचाही आरोप, हर्षवर्धन सपकाळ यांनी केला.

‘उलटा चोर कोतवाल को डाटे’ ही म्हण मत चोरीच्या अनुषंगाने सिद्ध होत असल्याचे वारंवार पुरावे मिळत आहेत. निवडणूक आयोगच स्वत: उलटा कांगावा करत आहे. आता लोकशाही वाचवण्यासाठी व आपला संविधान अधिकार जागृत करण्यासाठी आपल्याला एक होण्याची गरज असल्याचेही सपकाळ यांनी सांगितले.

हेही वाचा

Arun Gawli : कुख्यात गुंड, डॉन अरुण गवळी अखेर १८ वर्षांनी जामिनावर तुरुंगाबाहेर, मुंबईला रवाना

भारतीय जनता पक्षाने निवडणूक आयोगाच्या मदतीने मतदार याद्या व मतदान प्रक्रियेत मोठा घोळ घालून सत्ता मिळवल्याचा आरोप काँग्रेसने केला आहे. त्याविरोधात काँग्रेसचे बुधवारी नागपूर जिल्यातील कामठीत काँग्रेसचा ‘वोट चोर, गद्दी छोड’ मेळावा आयोजित केला आहे. मेळाव्यात काँग्रेस प्रदेशाध्यक्ष हर्षवर्धन सपकाळ यात्रेतून पोहचले. त्यांच्यासोबत प्रदेश आणि जिल्या पदाधिकारी होते. सर्व मंचावर पोहोचल्याने येथे नेत्यांची चांगलीच दमछाक झाली. यावेळी खासदार प्रतिभा धानोरकर, विजय वडेट्टीवार, बाळासाहेब थोरात, सुनिल केदार, श्याम बर्वे आणि इतरही राज्य आणि जिल्ह्यातील नेते उपस्थित होते.

हेही वाचा

आश्चर्य! गांधीवादी विचार परिक्षेत ‘डॅडी’ उर्फ कुख्यात गुंड अरुण गवळी अव्वल

प्रकरण काय ?

भारतीय जनता पक्षाने निवडणूक आयोगाच्या मदतीने मतदार याद्या व मतदान प्रक्रियेत मोठा घोळ घालून सत्ता मिळवली, असा काँग्रेस पक्षाचा गंभीर आरोप आहे. या कथित मतचोरीची पोलखोल काँग्रेसचे खासदार व लोकसभेतील विरोधी पक्षनेते राहुल गांधी यांनी पुराव्यासह केली आहे. त्यानंतर काँग्रेसने देशभरात ‘वोट चोर, गद्दी छोड’ आंदोलन सुरू केले असून त्याअंतर्गत नागपूर जिल्ह्यातील कामठीत आज (बुधवारी, ३ सप्टेंबर) भव्य राज्यस्तरीय मेळावा होत आहे. काँग्रेसच्या मते, हे आंदोलन लोकशाहीवरील “मतांची चोरी” आणि “विश्वासघात” याविरोधात असून, जनतेला खऱ्या घडामोडींची जाणीव करून देण्यासाठी आहे.