बुलढाणा: गणेश विसर्जन करून परतणाऱ्या वाहनाला भरधाव ट्रकने धडक दिल्याने एक व्यक्ती गंभीर तर पाच जण किरकोळ जखमी झाले. यानंतर संतप्त नागरिकांनी ट्रक जाळला. घटनेनंतर ट्रक चालक फरार झाला.
हेही वाचा… अमरावती : दिल्लीतून चोरलेल्या कारवर सांगलीच्या वाहनाचा क्रमांक, ई-चलान प्रणालीमुळे उलगडा
हेही वाचा… रावणपुत्र मेघनाथाची एक नाही तर दोन-दोन मंदिरे; लोक म्हणतात, “नवसाला पावणारा…”
२७ सप्टेंबर रोजी मध्यरात्री नंतर ही खळबळजनक घटना घडली. खामगाव शहरातील जनुना बायपास चौफुल्ली जवळ ही दुर्घटना घडली. खामगाव नजीकच्या जनुना तलावात गणरायाचे विसर्जन करून भाविक मालवाहक गाडीने काल रात्री १२ वाजता खामगाव शहराच्या दिशेने येत होते. दरम्यान भरधाव ट्रकने या वाहनाला जनुना बायपास चौफुल्ली जवळ धडक दिली. यामध्ये एकूण ५ जण जखमी झाले आहेत. एकाची प्रकृती गंभीर आहे. घटनेमुळे संतप्त नागरिकांनी ट्रक पेटवून दिला . यामुळे वाहनाचे मोठे नुकसान झाले. घटनेची माहिती मिळताच पोलिसांनी घटनास्थळी धाव घेतली. अग्निशमन दलाने उत्तररात्रीपर्यंत प्रयत्न करून आग विझविली.
