नागपूर : नवरात्रोत्सवावरही डेंग्यूचे सावट! रुग्णसंख्या ७७६ वर

नागपूर : उपराजधानीतील डेंग्यू नियंत्रणात येताना दिसत नाही. बघता- बघता शहरातील रुग्णसंख्या ७७६ रुग्णांवर पोहोचली आहे. त्यामुळे नवरात्रोत्सवावरही डेंग्यूचे सावट असल्याचे चित्र आहे. भूखंड व इतरत्र पाणी साचल्याने मोठ्या प्रमाणावर डास उत्पत्ती झाली. त्यातून शहरात डेंग्यूचा प्रकोप सुरू झाला. महापालिकेच्या आरोग्य विभागाकडून सतत हा आजार नियंत्रणात असल्याचा दावा होत असला तरी शहरात डेंग्यूचे रुग्ण वाढतच आहेत. १ जानेवारी ते आजपर्यंत येथील डेंग्यूग्रस्तांची संख्या ७७६ रुग्णांवर पोहोचली आहे. शहरात आजपर्यंत वरील काळात ८ हजार ३०० संशयित रुग्णांचीही नोंद झाली आहे.