scorecardresearch

Premium

महाराष्ट्रात काँग्रेसची लाट – नाना पटोले

महाराष्ट्रात काँग्रेसची लाट असल्याचे दिसून येते, पुढील निवडणुकीत त्यांचा परिणाम दिसेल, असा दावा काँग्रेसचे प्रदेशाध्यक्ष नाना पटोले यांनी केला.

congress wave in maharashtra, nana patole congress wave in maharashtra
महाराष्ट्रात काँग्रेसची लाट – नाना पटोले (संग्रहित छायाचित्र)

नागपूर : महाराष्ट्राच्या सीमावर्ती भागात मध्यप्रदेश, छत्तीसगडमधील काँग्रेसचे उमेदवार मोठ्या संख्येने विजयी झाले आहेत. तर तेथे भाजपला नाकारले आहे. यावरून महाराष्ट्रात काँग्रेसची लाट असल्याचे दिसून येते, पुढील निवडणुकीत त्यांचा परिणाम दिसेल, असा दावा काँग्रेसचे प्रदेशाध्यक्ष नाना पटोले यांनी केला. ते आज नागपुरात बोलत होते. “जनतेचा कौल आम्हाला मान्य आहे. निवडणुकीतील पराभवाच्या कारणांचा अभ्यास करू आणि पुढे जाऊ. परंतु महाराष्ट्राला लागून असलेल्या जिल्ह्यातील निवडणुक निकाल बघितल्यास काँग्रेसला लोकांनी पसंती दिली आहे. महाराष्ट्राच्या निवडणुकीत त्यांचा निश्चित परिणाम दिसून येईल. भाजप अधिक काळ सत्तेत राहू शकणार नाही. महाराष्ट्रातील भाजप नेत्यांनी विजयाचा आनंदोत्सव साजरा करावा की नाही, हा त्यांच्या प्रश्न आहे”, असे पटोले यांनी म्हटले आहे.

हेही वाचा : ‘या’ चार जिल्ह्यांत आंतरराष्ट्रीय अंतराळ केंद्राचा थरार, उल्का वर्षाची पर्वणी; जाणून घ्या कुठे, केव्हा…

Ajni Chowk
नागपूर : पाच रस्ते, मेट्रोस्थानकामुळे अजनी चौक ‘अपघातप्रवण’! नीरीच्या नियोजित जागेवर मेट्रो स्थानक न बांधल्याचा फटका
Urban Planning Exam marathi news
नगर रचना विभागाची परीक्षा दिलेल्या उमेदवारांसाठी मोठी बातमी, ‘या’ तारखेला होणार कागदपत्रांची पडताळणी
electricity
कंत्राटी कर्मचारी संपावर गेल्याने राज्यातील वीज यंत्रणा सलाईनवर.. ‘या’ आहेत मागण्या…
death certificate in Medical in Nagpur
नागपुरातील मेडिकलमध्ये मृत्यू प्रमाणपत्रासाठी ५८ दिवसांची फरफट.. अधिकारी, कर्मचाऱ्यांचा असा गोंधळ..

ते पुढे म्हणाले, “पण, राज्यात महापालिका निवडणुका न घेता सत्ताधारी प्रशासकाच्या माध्यमातून जनतेची लुट करीत आहे. लोकांना वाऱ्यावर सोडले आहे. महाराष्ट्रात कधी नव्हे इतके मृत्यू डेंग्यूमुळे झाले आहेत. अलिकडे कल्याण येथे एका महिलेचा बाळाला जन्म दिल्यानंतर डेंग्यूने मृत्यू झाला. अशा मृत्यूची लाज सत्ताधाऱ्यांना लाज वाटत नसेल आणि शेजारच्या राज्यातील विजयाचा आनंद होत असेल तर त्यावर अधिक भाष्य करणे अयोग्य आहे.” दरम्यान, संजय राऊत यांनी काँग्रेसने समाजवादी पक्षासोबत जागा वाटप केले असते तर चित्र वेगळे असते असे म्हटले आहे. त्यावर पटोले यांनी भाष्य करण्यास नकार दिला.

Latest Comment
View All Comments
Post Comment

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: In nagpur congress leader nana patole said that congress wave in maharashtra rbt 74 css

First published on: 04-12-2023 at 15:38 IST

आजचा ई-पेपर : नागपूर / विदर्भ

वाचा
epaper image

संबंधित बातम्या

तुम्ही या बातम्या वाचल्या आहेत का? ×