नागपूर : गेल्या काही दिवसांत उन्हाची काहिली वाढली आहे. चौकातील सिग्नलवर थांबले असता वाहनचालकांना उन्हाचा प्रचंड त्रास सहन करावा लागतो. नागपूरकरांना उन्हापासून दिलासा मिळावा, या उद्देशाने महापालिकेने आता विविध चौकातील सिग्नलवर ‘ग्रीननेट’ लावल्या आहेत. यामुळे वाहनचालकांना, विशेषत: दुचाकीवरून प्रवास करणा-यांना हिरव्या नेटमुळे सिग्नलवर सावलीचा आधार मिळतो आहे.

महापालिकेने गेल्या वर्षी उन्हाळ्यात शहरातील काही भागात हा उपक्रम राबविला होता. त्याला नागरिकांकडून व विविध समाजसेवी संस्थाकडून प्रतिसाद मिळाला होता. येणाऱ्या दिवसात नवतापाच्या कालावधीत उन्हाची तीव्रता वाढण्याची शक्यता आहे. त्यामुळे महापालिकेने रिझर्व्ह बँक चौक, जीपीओ चौक, लॉ कॉलेज चौक, शंकरनगर आणि मानेवाडा चौकात ‘ग्रीननेट’ लावले त्यामुळे वाहनचालकांना मोठा दिलासा मिळाला आहे. गेल्या काही दिवसात अवकाळी पाऊस आणि वादळी वाऱ्यामुळे उन्हापासून थोडा दिलासा मिळाला असला तरी सध्या उकाडा जास्त आहे. या हिरव्या नेट लावल्यानंतर आता सोसाट्याच्या वाऱ्यामुळे रुंद रस्त्यांवर हे लावण्यात आलेले नेट अबाधित ठेवण्याचे आव्हान महापालिकेसमोर आहे.

Nagpur, IPS, wife,
नागपूर : आयपीएस अधिकाऱ्याच्या पत्नीची छेड काढणे पडले महागात
What Poonam Mahajan Said?
भाजपाने तिकिट कापल्यानंतर पूनम महाजन यांची पहिली प्रतिक्रिया, म्हणाल्या, “मी…”
driver fell asleep while drive on Samriddhi highway and two people lost their lives
‘समृद्धी’वर चालकाला डुलकी लागली अन दोघांचा गेला जीव, चौघे गंभीर…
Nagpur, Kunal Battery,
नागपूर : कुणाल बॅटरीचा भरचौकात खून
Nagpur, Nagpur Lake, Illegal Seven Wonders, Seven Wonders Project, Nagpur Lake Draws Criticism, MLA vikas Thakre, vikas Thakre Demands Accountability, mahametro, krazy castle, Nagpur news, marathi news,
नागपुरातील महामेट्रोचा “सेव्हन वंडर्स” प्रकल्प वादात…… लाखो रुपये खर्चून उभारलेले “वंडर्स” तोडण्याचा खर्च…..
Diva staion Escalator Goes In Opposite Direction Suddenly Panics Commuters shocking video
दिवा स्टेशनवर ऐन गर्दीत सरकता जिना अचानक उलटा फिरला अन्…प्रवाशांनो ‘हा’ VIDEO एकदा बघाच
Nagpur, Auto, Auto rickshaw drivers association,
नागपूर : ‘त्या’ ऑटो चालकाविरुद्ध ऑटोरिक्षा चालक संघटना सरसावली
DD news anchor faints during live news reading
Heatwave : उष्माघाताची बातमी देताना दूरदर्शनची अँकर स्टुडिओतच कोसळली, VIDEO व्हायरल

हेही वाचा >>>उपराजधानीत मेंदूमृत अवयवदात्यांची संख्या दीडशेवर; चालू वर्षात उच्चांकाकडे वाटचाल

यासंदर्भात महापालिकेच्या वाहतूक विभागाचे कार्यकारी अभियंता रवींद्र बुंधडे यांनी सांगितले, वाहनचालकांना उन्हापासून वाचवण्यासाठी हा उपक्रम राबवला जात आहे. आरबीआय चौकात विधानभवनाकडे येणारी वाहतूक आणि त्याच्या विरुद्ध बाजूने ‘ग्रीननेट’ लावण्यात येणार आहे. शंकरनगर चौकात डब्ल्यूएचसी रोडच्या दोन्ही बाजूला ‘ग्रीननेट’ लावण्यात येणार आहे. मानेवाडा चौकातही ही सुविधा उपलब्ध करण्यात आली आहे. यापूर्वी शहरातील टेकडी गणेश मंदिरासह साई मंदिर, बालाजी मंदिर येथे भाविकांना उन्हापासून दिलासा मिळावा म्हणून मंदिर परिसरात हिरवी नेट लावत स्प्रिकलरद्वारे थंडावा निर्माण करण्यात आला आहे. शहरातील विविध भागातील बाजारपेठेत आणि वर्दळीच्या ठिकाणी नागरिकांसाठी पाणपोई (प्याऊ) सुरू करण्यात आली आहे . त्यामुळे रस्त्याने फिरणाऱ्या अनेकांना दिलासा मिळाला आहे. उन्हाळा बघता वाहतूक सिग्नलवर वाहनधारकांची होणारी अस्वस्था दूर करण्यासाठी हिरवी नेट बसविण्याचे विविध पर्यावरणवादी व सामाजिक संघटनांनी स्वागत केले असून हा उपक्रम शहरातील विविध भागातील चौकात राबविला गेला पाहिजे अशी अपेक्षा व्यक्त केली.